Photo TURAN.
Bakı/05.10.22/Turan: Bu gün oktyabrın 5-də Milli Məclis önündə akriya keçirən valideynlər iddia ediblər ki, övladları müxtəlif vaxtlarda döyüş şəraitində həyatlarını itirsələr də onlara illərdir şəhidlik statusu verilmir.
"Oğlum düşmən mövqelərindən 150 metrlik məsafədə gecə postda olub, səhər gəlib meyitini tapıblar. Gülləni kürəyindən vurublar ürəyindən çıxıb, yazıblar ki, ürək çatışmazlıqdan ölüb. Əlimdə bütün sübutlar var, Tərtər məhkəməsi isə işi ört-basdır edib", - deyə analardan biri deyib.
Onların szğlərinə görə, dəfələrlə dövlət qurumlarına, o cümlədən Milli Məclis deputatlarına müraciət etsələr də, nəticə yoxdur. "Seçki zamanı qapı-qapı düşüb vədlər verirlər. Məni bir şəhid anası kimi bir dəfə dinləmisiniz? Mənə arxa durmusunuz? Mən sizdən pul istəmirəm. Kağız vermək istəmirlər. Onda balamı qaytarsınlar. Balam xəstə-xəstə 7 il Tovuz, Gədəbəy çöllərində olub, onların balaları isə xaricdə".
Aksiya iştirakçılarının qarşısına çıxan Milli Məclisin vitse-spikeri Adil Əliyev isə bildirib ki, şəhid statusu ala bilməyənlərin hər birinin məsələsi ayrı-ayrılıqda müstəqil formada həll olunmalıdır. "Mən belə problemi olan bir çox şəxslərlə görüşmüşəm. Biz də çox istəyirik ki, problem həll olunsun. Heç bir müraciət cavabsız qalmayacaq. Necə ki, qalmır".
Deputatın deməsinə görə, bir neçə müraciət artıq öz həllini tapıb, valideynlər də bununla razılaşıblar.
A.Əliyev müraciət edən valideynlərin ayrı-ayrılıqda qəbul ediləcəyini bildirib. "Hər bir vətəndaş fərqli şəraitdə övladını itirib. Ona görə də, hər vətəndaş fərdi müraciət etməlidir. Bu müraciət əsasında da biz sorğular göndərməliyik, araşdırmalıyıq ki, doğrudan da bu insanların övladları şəhidlik statusuna aiddilər, yoxsa yox", deyə deputat bildirib.
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz