Milli Mətbuat və Jurnalistika Günündə Azercell media nümayəndələrinə hədiyyə təqdim edir!
“Azercell Telekom” ənənəsinə sadiq qalaraq 22 iyul Milli Mətbuat və Jurnalistika Günündə media işçilərini özünəməxsus şəkildə təbrik edir. Jurnalistlərin peşə bayramı münasibətilə 22-23 iyul tarixlərində “Mediacell” tarifinin bütün istifadəçilərinə və 2-ci Qarabağ müharibəsində iştirak etmiş media əməkdaşlarına Azercell-dən 5 GB mobil internet paketi hədiyyə veriləcək. Media nümayəndələri hədiyyə paketini qeyd olunan tarixlərdə 1875 açar sözünü 2723 qısa nömrəsinə göndərməklə əldə edə biləcəklər.
Lider mobil operator vəzifə borcunu yerinə yetirərkən şəhidlik zirvəsinə ucalmış jurnalistlər Məhərrəm İbrahimov və Sirac Abışovu hər zaman dərin ehtiramla yad edir, onların ailə üzvlərini diqqətdən kənarda qoymur.
Qeyd edək ki, “Azercell Telekom” ölkəmizdə jurnalistikanın inkişafına, mətbuat nümayəndələrinin peşəkar bacarıqlarının artırılmasına dəstək məqsədilə çoxsaylı layihələr həyata keçirib, onlar üçün davamlı şəkildə ingilis dili kursları təşkil edir və xüsusi güzəştli “Mediacell” tarif paketi təqdim edir.
Azercell ölkə və dünya gündəmində olan məsələləri işıqlandıran, bu sahədə çalışan bütün jurnalistləri və media əməkdaşlarını peşə bayramı münasibətilə təbrik edir, fəaliyyətlərində müvəffəqiyyətlər arzulayır! ®
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz