İyunun 15-də erməni tərəfinin atəşkəs rejimini pozması nəticəsində Azərbaycan milli ordusunun hərbi qulluqçusu, kiçik çavuş Səməndər Kərimov həlak olub.
Müdafiə Nazirliyinin mətbuat xidmətinin məlumatına görə, döyüş postunda şəxsi şücaət göstərdiyinə görə o, ölümündən sonra “Hərbi xidmətdə fərqlənməyə görə” 3-cü dərəcəli medalı ilə təltif edilib.
İnsidentin digər təfərrüatları, həmçinin baş verdiyi yer açıqlanmır.
Son günlər cəbhə xəttində atışma intensiv şəkil alıb və hər iki tərəf itki verib.
“Doktrina” Jurnalistlərin Hərbi Araşdırmalar Mərkəzinin məlumatında deyilir ki, ilin əvvəlindən Azərbaycanın təhlükəsizlik və müdafiə sektorunda itki 38 nəfər təşkil edib. Dünyasını dəyişənlərin 8-i döyüş, 3-ü mina partlayışı nəticəsində həlak olub, 27-i qeyri-döyüş itkisidir. Bu müddətdə 63 nəfər yaralanıb və ya xəsarət alıb.16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz