![Mingəçevir sakini dövlətə xəyanətə görə həbs edilib](https://turan.az/resized/media/2019/main/021000016673-750-500-resize.webp)
Mingəçevir sakini dövlətə xəyanətə görə həbs edilib
Bakı/11.02.19/Turan: Azərbaycan Dövlət Təhlükəsizliyi Xidməti (DTX) dövlətə xəyanətdə şübhəli bilinən Mingəçevir sakini Anar Ələkbərovu saxlayıb.
DTX-nın məlumatında deyilir k, 2016-cı ilin martında A.Ələkbərov xaricdə olarkən bu ölkənin xüsusi xidməti tərəfindən pul müqabilində gizli əməkdaşlığa cəlb edilib. Ona xaricdə ticarət əlaqələri olan Azərbaycan vətəndaşları haqda məlumat toplamaq və işgüzar münasubətlər adı altında onlar ilə xüsusi xidmət arasında əlaqə yaratmaq tapşırılıb.
Həmçinin ona Azərbaycanın xüsusi xidmət əməkdaşları, Azərbaycandakı bəzi xarici səfirliklərin nümayəndələri və hərbi hisssələr haqda məlumat toplamaq tapşırılıb.
Araşdırma zamanı məlum olub ki, A.Ələkbərov topladığı informasiyanı müdafiə olunduğunu düşündüyü mobil İnternet əlavəsi vasitəsilə xarici xüsusi xidmətə göndərib. Həmçinin iş üzrə digər çoxsaylı sübutlar toplanıb. A.Ələkbərov öz əməlini etiraf edib. O, Azərbaycan CM-in 274-cü maddəsi (dövlətə xəyanət) ilə cinayət məsuliyyətinə cəlb edilib və məhkəmənin qərarı ilə həbs olunub.
Məlumatda onun hansı dövlətə işlədiyi açıqlanmır. -02D-
-
- Təhlükəsizlik
- 11 Fevral 2019 00:32
-
- Cəmiyyət
- 11 Fevral 2019 11:00
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz