![Mingəçevirdə etiraz aksiyası iştirakçılarının həbsi davam edir](https://turan.az/resized/media/2015/main/082500127339-750-500-resize.webp)
Mingəçevirdə etiraz aksiyası iştirakçılarının həbsi davam edir
Mingəçevir yerli polis şöbəsində 27 yaşlı Bəhruz Hacıyevin ölümündən sonra şəhərdə başlayan etiraz aksiyasının iştirakçılarının həbsi davam edir.
Avqustun 22-də aksiya günü 21 nəfər saxlanılıb. Polisin bildirdiyinə görə, onların yarısı inzibati qaydada cərimə olunduqdan sonra buraxılıb.
Lakin yerli mənbələrin məlumatına görə, sonrakı günlərdə də həbslər davam edib. Hüquq-mühafizə orqanları aksiyanı əks etdirən videoyazılara baxaraq kadrlara düşənləri saxlayırlar.
Qeyri-rəsmi məlumatlara görə, hazırda 25-30 nəfər həbsdədir, onlara qarşı hansı maddələrlə ittihamın irəli sürüldüyü məlum deyil.
DİN və Baş Prokurorluq bununla bağlı məlumat vermir.
Eyni zamanda KİV-in məlumatına görə, mərhumun yaxınının yerli prokurorluğun müstəntiqini döyməsi faktı üzrə CM-in 315.2-ci maddəsi ilə cinayət işi açılıb. Bu, meyitxanada mərhumun cəsədinə baxış zamanı baş verib.
Bundan əvvəl DİN etiraz aksiyası zamanı polislərin xəsarət aldığını bildirib.
B.Hacıyevn ölüm faktı üzrə yalnız bir polis zabiti Şahlar Şahlarzadə həbs edilib.
Mərhumun doğmaları hesab edirlər ki, B.Hacıyevi saxlayan və dindirənlər də həbs olunmalıdır. Onlar B.Hacıyevin özünü pəncərədən atması versiyasına inanmırlar.
Mərhumun atası Dilsuz Hacıyev bildirib ki, oğluna elektroşokerlə işgəncə verilib və bundan onun ürəyi dayanıb. Pəncərədən atılmanı isə polis əməkdaşları özlərindən quraşdırıblar. Mərhumun cəsədində elektroşoker və digər zorakılıq formalarının əlamətləri olub.
(meyitxamadan video https://www.youtube.com/watch?v=xFIMdb5Ndtw)).
Hüquq-mühafizə orqanları bildirirlər ki, B.Hacıyev narkotik maddə satışında və istifadəsində şübhəli kimi saxlanılıb. Mərhumun atası oğlunun narkotik maddələrə bağlılığını qəti şəkildə inkar edir.
AXCP sədri Əli Kərimlinin fikrincə, gənclərin dinc etirazı olmasaydı, Bəhruz Hacıyevin də qanı polis idarələrində ölən digərləri kimi tamamilə batırılacaqdı. Gəncləri döyüb dağıtsalar da, həbs etsələr də, tələblərinə tam biganə qala bilmədilər.
Mingəçevirdə Bəhruz Hacıyevin ölümünə görə şəhər polis şöbəsinin cinayət axtarışı bölməsinin sabiq əməliyyat müvəkkili polis baş leytenantı Şahlar Şahlarzadə həbs edilib. Onun barəsində Cinayət Məcəlləsinin iki maddəsi üzrə - 125 (özünü öldürmə həddinə çatdırma) və 308.2 (vəzifə səlahiyyətlərindən sui-istifadə ağır nəticələrə səbəb olduqda) maddələri ilə təqsirləndirilən şəxs qismində 4 ay müddətinə həbs qətimkan tədbiri seçilib.
“Bəhruz Hacıyevin ölümünə etiraz aksiyasının iştirakçıları azad edilməlidir”, - Əli Kərimli özünün Facebook səhifəsində yazıb.
Milli Şuranın sədri Cəmil Həsənli hesab edir ki, B.Hacıyevin ölümü polis orqanlarının hansı vəziyyətdə olmasının aydın göstəricisidir.
“Rəsmi versiyaya görə, polis leytenantı Şahlar Şahlarzadə şahid çağırmağa gedəndə guya Bəhruz özünü pəncərədən atıb. Əvvəla, vətəndaş vəkil tələb edibmi? Əgər edibsə niyə təmin edilməyib. Bütün hallarda vətəndaşın üstü yoxlanılarkən, ondan ifadə və ya izahat alınarkən vəkilin prosesdə iştirakı qanunun tələbidir.
Polis idarəsinin yaxınlığında yenicə təmirdən çıxmış meyitxana olduğu halda mərhumun cənazəsi ailə üzvlərinin xəbəri olmadan niyə qəsəbədə yerləşən meyitxanaya aparılıb?”, - C.Həsənli özünün Facebook səhifəsində yazıb.06D-
-
- Cəmiyyət
- 25 Avqust 2015 14:01
-
- İqtisadiyyat
- 25 Avqust 2015 14:47
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz