Açıq mənbələrdən foto.
Mingəçevirdə fəal və bloqerə qarşı cinayət işi açılıb
Bakı/13.06.20/Turan: İyunun 12-də Mingəçevir Şəhər Məhkəməsi jurnalist və fəal Elçin Həsənzadənin işi üzrə hazırlıq iclasında ona qarşı xüsusi cinayət ittihamı qaydasında iddianı icraata qəbul edib.
İddia şəhər Mənzil-İstismar İdarəsinin rəisi Şəhriyar Mustafayev tərəfindən verilib. O, E.Həsənzadənin CM-in 147.1 (böhtan) və 148-ci (təhqir) maddələri üzrə məsuliyyətə cəlb olunmasını tələb edir.
İddiaya səbəb sosial şəbəkələrdə məmur haqqında tənqidi yazıların dərcidir. Belə ki, E.Həsənzadə bildirir ki, fəalı yaşadığı kirayə mənzilindən məhz Mustafayev çıxarıb.
Hazırlıq iclası zamanı hakim Hüseyn Mirzəliyev iddiaya bu məhkəmədə baxılması ilə bağlı cavabdehin vəsatətini təmin etməyib.
“Məsələ bundadır ki, mən yaşayış yeri üzrə Sumqayıtda qeydiyyatdayam. Qanunvericiliyə əsasən bu cür işlərə qeydiyyat yeri üzrə məhkəmələr tərəfindən baxılmalıdır. Ancaq 8 saylı Mənzil-İstismar Sahəsindən (MİS) mənim müvəqqəti olaraq Mingəçevirdə qeydiyyatda olduğum barədə saxta sənəd məhkəməyə təqdim edilib. MİS-lər artıq yaşayış yeri üzrə uçot aparmırlar. Bu, polisin səlahiyyətindədir. Digər tərəfdən, MİS iddiaçının tabeliyindədir və buna görə də onların verdiyi sənədlərbu işdə məhkəmə üçün obyektiv mənbə ola bilməz”, - E.Həsənzadə Turan agentliyinə bildirib.
Onun sözlərinə görə, bundan əlavə, qanunvericilik pozularaq iddia ərizəsində onun verilmə tarixi göstərilməyib.
“Bununla belə, məhkəmə işi icraata qəbul edib və işə mahiyyəti üzrə baxılmasını iyunun 18-nə təyin edib. Məhkəmə artıq öz qərəzliliyini göstərib”, - E.Həsənzadə qeyd edib.
Fəalın fikrincə, iddia Ş.Mustafayevin adından irəli sürülsə də ona qarşı cinayət təqibinin arxasında şəhər rəhbərliyi dayanır və bu yolla onu yerli hakimiyyəti tənqid etdiyinə görə cəzalandırırlar.
İddiaçıdan şərh almaq mümkün olmayıb.—06D-
Cəmiyyət
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
-
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
-
Azərbaycanlı iqtisadçılar qrupu, keçmiş millət vəkili və iş adamı Nazim Bəydəmirli üçün həbs-qətimkan tədbirinin dəyişdirilməsinə yardım göstərməsi üçün Prezident İlham Əliyevə müraciət edib.
-
İyulun 20-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Şimal-şərq küləyi əsəcək.
Rəy yaz