MİS işçiləri parlament seçkiləri prosesinə cəlb olunur

Sumqayıtda mənzil-istismar sahələrinin (MİS) işçiləri parlament seçkisi kampaniyasına cəlb ediliblər.

Şəhər sakinlərinin Turan-a verdikləri məlumata görə, MİS isçiləri vətəndaşlara telefon edərək onların bu və ya digər namizədə həqiqətən imza verib-vermədiyini soruşurlar.

Əsasən belə “yoxlama”ya müxalifət partiyaların namizədlərini və müstəqil namizədləri dəstəkləyən vətəndaşlar məruz qalırlar.

Seçicilər bu zəngləri onların hüquqlarının pozulması hesab edirlər, çünki qanunla onlar kiminsə qarşısında hesabat verməyə borclu deyil.

Eyni zamanda Mərkəzi Seçki Komissiyasında hesab edirlər ki, dairə seçki komissiyalarında ekspert komissiyaları imza vərəqələrindəki imzaların doğruluğunu yoxlamaq ücün müxtəlif qurumların xidmətlərindən istifadə edə bilər.

Digər məlumata görə, yerli icra hakimiyyəti orqanları MİS işçilərindən ibarət qruplar hazırlayır ki, onlar da müvafiq ərazilərə cavabdeh olur.

Əvvəlki seçkilər zamanı həmin qruplardan tələb edilib ki, sakinlərin şəxsiyyət vəsiqələrinin nömrələrini təqdim etsinlər. Müxalifətçilərin ərizələrinə görə, bu məlumatlardan hakimiyyətyönlü namizədlərin xeyrinə imza toplanmasında istfadə olunub. Görünür, bu praktikadan indi də istifadə etmək istəyirlər.

Bundan əlavə, əvvəlki seçkilərdə bu cür qruplardan seçki məntəqələrində “müstəqil” müşahidəçi kimi, həmçinin “karusel”- eyni qrupun müxtəlif məntəqələrində dəfələrlə səs verməsinin  təşkilində istifadə edilib. –06В-