Moskva sakini qanunsuz olaraq 14 Azərbaycan vətəndaşını öz mənzilində qeydiyyatdan keçirib.
Moskvanın Boqorodski rayon polisinin mətbuat xidmətinin məlumatına görə, əcnəbi vətəndaşların qanunsuz yaşaması faktı müəyyən edilib.
Məlum olub ki, 31 yaşlı Moskva sakini pul müqabilində 4-cü Qrajdanski küçəsində yerləşən mənzilində orada yaşamayan 14 azərbaycanlını qeydiyyatdan keçirib.
Mənzil sakini barəsində RF CM-in 322.1-ci (qanunsuz miqrasiyanın təşkili) maddəsi ilə cinayət işi açılıb.
Qeyd edək ki, müxtəlif qiymətləndirmələrə görə Moskvada yüz minlərlə azərbaycanlı yaşayır, onların əksəriyyəti əmək miqrantlarıdır.
Bir ay əvvəl Moskva hakimiyyəti paytaxtı gəlmələrdən təmizləmək məqsədilə qeyri-qanuni miqrasiyaya qarşı mübarizə kampaniyasına başlayıb. Qeyri-rəsmi məlumatlara görə, Moskvada qeyri-qanuni miqrantların ümumi sayı 2-3 mln. nəfərə çatır. -02D-
Cəmiyyət
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
Rəy yaz