Moskvada beş həmyerlisi - əslən azərbaycanlılar tərəfindən oğurlanan sahibkar azad edilib.
Moskva ərazisində soyğunçuluq və basqınçılıqla məşğul olan etnik qrupun fəaliyyəti barədə polisə məlumat daxil olub. Əməliyyat-axtarış tədbirləri nəticəsində polis qrupun izinə düşüb. Bazar günü cinayətkarlar meyvə-tərəvəz alveri ilə məşğul olan sahibkarı oğurlayıblar. Zərərçəkən məhsul almağı planlaşdırıb və üzərində xeyli miqdarda pul olub. O, evinin girəcəyindən çıxaraq “Qazel” avtomobilinə yaxınlaşan zaman üç nəfər ona hücum edib. Onlar sahibkarın ayağından atəş açaraq zorla maşına əyləşdiriblər. Zərərçəkəndən 70 min rubl pul, həmçinin mənzilin və avtomobilinin açarları ilə sənədlərini götürüblər. Sonra sahibkarın olduğu “Qazel” və digər iki avtomobil cinayət yerindən uzaqlaşıb, girovu vəhşicəsinə döyüblər. Cinayətkarlar svetoforda dayandıqları zaman xüsusi dəstənin döyüşçüləri tərəfindən hücuma məruz qalıblar. Girov azad edilib. Saxlananlar arasında zərərçəkmişin qohumunun sinif yoldaşı da olub. Belə ki, sahibkarı cinayətkarlara tanıdan həmin şəxs olub. Sahibkar onu dərhal tanıyıb. Müəyyən edilib ki, sui-qəsd hərtərəfli hazırlanıb. Saxlanılan şəxslərdən kiçik kalibrli əldəqayırma tapança, travmatik və pnevmatik tapançalar götürülüb. -02D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz