Yaxın bir neçə gündür MTN İstintaq Təcridxanasında “Həbs yerlərində
saxlanılan şəxslərin hüquq və azadlıqlarının təmin edilməsi haqqında” qanunda nəzərdə tutulmuş norma və qaydalara riayət etməyə başlayıblar. Bu barədə vəkil Cavad Cavadov öz facebook səhifəsində yazıb.
Onun sözlərinə görə, bu, MTN rəhbərliyinin dəyişməsi ilə əlaqədardır. “Artıq həbsdə saxlanılan şəxslər qanunun tələbinə görə zəng etmək hüququndan mütəmadi istifadə edirlər və onların ailələri ilə görüşmək hüququ təmin olunur.
Bu təcridxananın hüquqi statusu məsələsini kənara qoysaq, bunu müsbət addım kimi dəyərləndirmək lazımdır. Çünki bu hüquqlar bu təcridxanada indiyə kimi təmin olunmayıb”, deyə vəkil yazıb.
Məşhur vəkil Fuad Ağayev Turan-ın müxbiri ilə söhbətində məhbusların yaxınlarına zəng etməsinə icazə verildiyi haqqında məlumatı təsdiq edib. Belə ki, məşhur jurnalist Rauf Mirqədirovun hüquqlarını müdafiə edən bu vəkil bildirib ki, istintaq başa çatdıqdan sonra jurnalistin yaxınlarına zəng etməsinə icazə verməyə başlayıblar, baxmayaraq ki, əvvəllər bu qanuni hüquqa riayət olunmurdu. -16D04-
Cəmiyyət
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
Yanvarın 19-da səhər və axşam paytaxtda yağış yağacağı gözlənilir. Səhər bəzi yerlərdə duman olacaq. Cənub-şərq küləyi əsəcək. Havanın temperaturu gecə müsbət 3+6, gündüz müsbət 7+11 dərəcə olacaq. Rütubət 70-80 faiz olacaq.
-
Azərbaycanda meymunçiçəyi virusuna yoluxma ilə bağlı ilk hal aşkarlanıb. Bu barədə Azərbaycan Səhiyyə Nazirliyinin və Tibbi Ərazi Bölmələrini İdarəetmə Birliyinin (TƏBİB) 18 yanvar tarixli birgə məlumatında deyilir.
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
Rəy yaz