![Müasir Təhsil və Tədrisə Yardım Mərkəzinin vəzifəli şəxslərinə qarşı cinayət işi başlanıb](https://turan.az/resized/media/2013/main/110500056364-750-500-resize.webp)
Müasir Təhsil və Tədrisə Yardım Mərkəzinin vəzifəli şəxslərinə qarşı cinayət işi başlanıb
“Müasir Təhsil və Tədrisə Yardım Mərkəzi” İctimai Birliyinin vəzifəli şəxslərinə qarşı maliyyə pozuntularına görə cinayət işi başlanıb. İşin istintaqını baş prokuror yanında Korrupsiyaya Qarşı Mübarizə İdarəsi aparır.
Baş Prokurorluğun mətbuat xidmətinin məlumatına görə, qanun pozuntuları ilə əlaqədar Ədliyyə Nazirliyindən daxil olmuş material əsasında araşdırmalar aparılıb.
Məlum olub ki, mərkəzin vəzifəli şəxsləri 2010-2013-cü illərdə pul vəsaitlərinin xərclənməsi zamanı maliyyə pozuntularına yol verilməsində, qrant müqaviləsi əsasında ayrılmış 43 min ABŞ dolları həcmində vəsaitin təyinatı üzrə istifadə edilməyərək xarici ölkə vətəndaşının hesabına köçürülməsində, Təhsil Nazirliyi və Azərbaycan Universiteti ilə keçirilən birgə layihələrin icrası zamanı büdcə vəsaitlərinin istifadəsində qanun pozuntularına yol verilməsində, zəruri sənədlər tərtib edilmədən xidmət haqqı kimi kənar müəssisəyə 10 min 500 manat, digər müəssisəyə isə 16 min 800 manat pul vəsaitinin nağd şəkildə ödənilməsində maliyyə pozuntularına yol verilib.
Fakt üzrə Cinayət Məcəlləsinin 308.1-ci (vəzifə səlahiyyətlərindən sui-istifadə) maddəsi ilə cinayət işi başlanıb. Hazırda iş üzrə istintaq davam etdirilir.
Öz növbəsində “Müasir Təhsil və Tədrisə Yardım Mərkəzi” İctimai Birliyinin maliyyə işçisi Şahin Sadıqov Turan-a bildirib ki, Baş Prokurorluğun yaydığı məlumat real faktlara söykənmir.
“Qrant müqaviləsinə bələd olmadan, qrant büdcəsini yoxlamadan belə məlumat yaymaq düzgün deyil. Biz dövlətdən vəsait almamışıq və bu barədə hər hansı qrant müqaviləmiz yoxdur”, - o qeyd edib.
Maliyyə işçisi bildirib ki, gəlir kommersiya təyinatlıdırsa müəssisə vəsaitin sərfində müstəqildir. “Orada pul mənimsənilməyib və vəsaitlər nəzərdə tutulan istiqamətdə sərf olunub”, - Ş.Sadıqov bildirib. -03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz