Bakı/22.05.18/Turan: Azərbaycan Müdafiə Nazirliyi bəzi elektron KİV-də hərbi avtomobilin qəzaya uğraması nəticəsində iki zabitin ölməsi ilə bağlı yayılan məlumatları təkzib edib.
Nazirliyin mətbuat xidməti Turan-ın sorğusuna cavabda bildirib ki, məzuniyyətdə olarkən öz şəxsi avtomobilində yol-nəqliyyat hadisəsi nəticəsində gizir Murad Muradov və onunla avtomobildə olan qaynı, mülki şəxs Toğrul Babayev həlak olub.
Avtomobildə olan digər sərnişin, M.Muradovun qayınanası Zöhrə Babayeva ağır xəsarətlər alaraq xəstəxanaya yerləşdirilib.
"Bir daha KİV nümayəndələrini xəbərdar edirik ki, bu cür hallar təkrar baş verərsə, onlar barəsində qanunvericilikdə nəzərdə tutulmuş qaydada müvafiq tədbirlər görüləcək", deyə mətbuat xidməti məlumatı Müdafiə Nazirliyi ilə dəqiqləşdirmədən yayan media nümayəndələrinə xəbərdarlıq edib. -03D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz