Bakı/22.05.18/Turan: Müsavat Partiyası Xətai rayon təşkilatınım sədr müavini, keçmiş siyasi məhbus Elvin Abdullayev mayın 22-də həbs edilib. Bu barədə Müsavat Partiyası məlumat yayıb.
Məlumatda deyilir ki, bu gün bir qrup polis əməkdaşı Elvin Abdullayevin evinə gedərək, onun anasını Xətai Rayon Polis İdarəsinin 36-cı Polis Bölməsinə aparıb.
"Polisin gəldiyi vaxt evdə olmayan Elvin Abdullayev özü anasının saxlandığını bildikdən sonra bölməyə gedib. Anası sərbəst buraxılsa da, Elvin Abdullayev saxlanılıb. Xətai Rayon Məhkəməsi hakim Bəxtiyar Məmmədovun sədrliyi ilə Elvin Abdullayevə İnzibati Xətalar Məcəlləsinin 535.1-ci maddəsi ilə (polisə tabe olmamaq) 30 sutka həbs cəzası verib.
Müsavat Partiyasının mətbuat xidmətinin açıqlamasında bildirilir ki, Elvin Abdullayevin həbsi onun sosial şəbəkədəki yazıları ilə bağlıdır.
"Elvin Abdullayev bundan əvvəl də siyasi fəaliyyətinə görə dəfələrlə təqib olunub. O, sosial şəbəkələrdə hakimiyyəti tənqid edən yazılarla çıxış edib. Facebook profil şəkli olaraq İlham Əliyevin üzərində "Diktator" yazılmış şəklini yerləşdirib. Elvin Abdullayevin həbsi, onun sosial şəbəkədəki yazıları ilə bağlıdır. Bu, ifadə azadlığının kobud şəkildə pozulmasıdır. Elvin Abdullayevin anasının polis bölməsinə aparılması isə hüquqa sığmayan ləyaqətsiz bir addımdır. Elvin Abdullayevin dərhal azad olunmasını tələb edirik", deyə mətbuat xidməti bildirir.
Rəsmi qurumlar Elvin Abdullayevin həbsi ilə bağlı hələ məlumat yaymayıb. -03B-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz