Bakı/16.09.17/Turan: Şəki Ağır Cinayətlər Məhkəməsində jurnalist Elçin İsmayıllının işi üzrə prosesdə vəkillər və jurnalist özü son sözlə çıxış edib.
Yerli fəalların verdiyi məlumata görə, jurnalist bildirib ki, heç bir cinayət törətməyib və ona qarşı ittihamlar saxtalaşdırılıb.
Vəkillər də məhkəmədən bəraətverici əsaslarla cinayət işinə xitam verməyi xahiş ediblər.
Müstəqil jurnalist Elçin İsmayıllı fevralın 17-də həbs edilib.
Ona qarşı CM-in 182 (hədələmə yolu ilə pul tələb etmə) və 308-ci (vəzifə səlahiyyətlərindən sui-istifadə) maddələri ilə ittiham irəli sürülüb. Avqustun əvvəllərində ona qarşı 311-ci (rüşvət alma) maddə ilə daha bir ittiham irəli sürülüb. Bu ittihamlarla onu 8 ildən 12 ilədək azadlıqdan məhrumetmə cəzası gözləyir.
İttihama əsasən, jurnalist mədəniyyət və turizm şöbəsinin müdiri Azər Abbasovdan pul tələb edib. Abbasov Dövlət Təhlükəsizliyi Xidmətinə müraciət edib və Xidmət əməkdaşları jurnalisti həbs ediblər. Müdafiə tərəfinin məlumatına görə, əslində pul borc olaraq verilib.
Vəkil Elçin Sadıqov Turan-ın müxbiri ilə söhbətində bildirib ki, istintaq pul tələb etmə ilə bağlı dəlil təqdim etməyib və müvafiq olaraq rüşvət almadan söhbət belə gedə bilməz.
"Vəzifə səlahiyyətlərindən sui-istifadə" ittihamı isə ümumiyyətlə əsassızdır, belə ki, Azərbaycan qanunvericiliyinə əsasən, jurnalist vəzifəli şəxs deyil.
Amma vəkil ədalətli hökm gözləmir. Onun sözlərinə görə, məhkəmə istintaqı ilk gündən qanun pozuntusu ilə aparılıb.
Belə ki, hazırlıq iclası vəkil Sadıqovun iştirakı olmadan keçirilib.
Bununla belə, Sadıqov bu faktı ictimaiyyətə yaydıqdan sonra hakim Rəşad Hüseynov Vəkillər Kollegiyasına şikayət edib.
Sentyabrın 15-də hakim yenidən vəkili bir sıra sənədləri məhkəməyə təqdim etmədiyinə görə kollegiyaya şikayət etməklə hədələyib. Halbuki, Sadıqov sənədlərin poçtla göndərildiyini deyib.
Sentyabrın 15-də jurnalistlər məhkəməyə buraxılmayıb, baxmayraq ki, proses açıq idi.
Hökmün elan edilməsi sentyabrın 18-nə təyin edilib. -06B-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz