Açiq mənbələrdən foto.
Bakı/26.01.21/Turan: “Azərbaycan hökumətini Əfqan Sadıqovun hüquqlarını təmin etməyə, onun ittiham edilməsinə səbəb olan hadisənin sifarişli, qurama, təhrikçi olduğuna xüsusi diqqət yetirməyə, jurnalistin tənqidçi yazılarından irəli gəldiyini nəzərə almağa, jurnalistin pozulmuş hüquqlarını bərpa etməyə, onun ədalətli mühakimə hüququnu tam təmin etməyə çağırırıq”. Bu barədə Müdafiə Xətti hüquq-müdafiə təşjkilatının bu gün, yanvarın 26-da 83 gündür həbsxanada aclıq edən jurnalist Əfqan Sadıqovla bağlı bəyanatında deyilir.
2020-ci il noyabrın 3-də Bakı Ağır Cinayətlər Məhkəməsi jurnalisti hədələmə yolu ilə pul tələb etmə ittihamı ilə günahkar sayaraq 7 il azadlıqdan məhrum edib. Sadıqov hökmü qanunsuz və sifarişli sayaraq ondan şikayət verib. Apellyasiya şikayətinə baxış ötən ilin dekabrında başlanıb və məhkəmə bir neçə dəfə təxirə salınıb. Sonuncu dəfə Sumqayıt Apellyasiya Məhkəməsi şikayətə yanvarın 28-də baxılacağını bildirib.
Jurnalist məhkəmənin hökmünə etiraz olaraq 2020-ci il noyabrın 3-də məhkəmə zalında aclığa başladığını elan edib. O, artıq 83 gündür aclıq edir.
Sadıqovun həyat yoldaşı Sevinc Sadıqova jurnalistin yanvarın 21-də komaya düşdüyünü və aparata qoşulduğunu, bədəninə süni yolla qidalandırıcı maddələrin yeridildiyini bildirib.
Yanvarın 25-də Ombudsmanın (İnsan Hüquqları üzrə Müvəkkil) tapşırığı əsasında Sadıqovla görüşən Milli Preventiv Qrupun (MPQ) üzvü Vüqar Heydərov “Amerikanın Səsi”nə bildirib ki, Sadıqov koma durumunda deyil, amma çox zəifləmiş durumdadır və aclıq aksiyasını davam etdirir.
Ombudsman Aparatı rəsmi intenet saytında jurnalistin fotosunu da yayıb. Sadıqov həbsdən əvvəlki fotoları ilə müqayisədə həddən artıq çəki titirib. Həyat yoldaşının dediyinə görə, o, 30 kiloqramdan çox çəki itirib.
Müdfafiə Xətti bildirir ki, jurnalsitin səhhəti ilə bağlı yaranmış təhlükəli durumdan dərin narahatlıq keçirir.
“Sadıqovun kəskin tənqid hədəflərindən biri olan, həbsinin əsas sifarişçisi saydığı Sumqayıt şəhər İcra Hakimiyəti başçısı Zakir Fərəcovun Sumqayıt şəhərinin hüquq-mühafizə, istintaq, eləcə də məhkəmələrinə böyük təsir imkanlarına malik olduğu hüquq müdafiəçilərində şübhə doğurmur. Təsadüfi deyil ki, hüquq müdafiə təşkilatları Əfqan Sadıqovun jurnalist fəaliyyətinin, vəzifəli şəxsləri tənqid edən fəaliyyətinə görə təzyiqlərin, hüquq pozuntularının qurbanı olduğunu əsas gətirərək, onu siyasi məhbus hesab edirlər”, deyə Müdafiə Xətti qeyd edir. -03-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz