Photo TURAN.
Bakı/03.06.22/Turan: İyunun 3-də "Müdafiə xətti" hüquq- müdafiə təşkilatı may ayında Azərbaycanda insan hüquqlarının vəziyyətinə dair aylıq hesabatı təqdim edib.
Təqdimatda təşkilatın icraçı direktoru Rüfət Səfərovun qeyd edib ki, hesabat dövründə hakimiyyətin tənqidçilərinə təzyiq halları davam edib, həbs olunmuş fəallara qarşı fiziki zorakılıq törədilib. Həmin dövrdə jurnalist Aytən Məmmədovaya fiziki hücum olub.
Lakin bu iş üzrə, habelə fəal Bəxtiyar Hacıyevin oğurlanması ilə əlaqədar heç kim məsuliyyətə cəlb olunmayıb.
Səfərov Almaniyadan deportasiya edilmiş fəallara qarşı təqiblərin davam etdiyini, Avropada yaşayan bloger Tural Sadıqlıya qarşı sui-qəsd təhlükəsinə toxunub.
Bununla yanaşı, o, təhlükəsizlik qüvvələrinin etiraz aksiyalarının iştirakçıları ilə rəftarında bir qədər yumşalmanın olduğunu qeyd edib. Lakin son həftələrdə hökumət tənqidçilərinin narkotik maddələrin qanunsuz dövriyyəsi ittihamı ilə həbs olunması halları artıb.
Səfərov bu ittihamlarla bloger Rəşad Ramazanovun və Gəncədə Azərbaycan Xalq Cəbhəsi Partiyasının fəalı Razi Alışovun həbs olunduğunu qeyd edib.
Səfərov həmfikirləri Razi Abbasovun məhkəməsinə gələn dindarlara təzyiqlərdən də danışıb. Polis toplaşanları dağıdandan sonra onlardan üçü 30 sutkalığa həbs edilib, ikisi isə polisdə amansızcasına döyülüb.
Təqdimatda mayın 27-də əfv aktından sonra azadlığa çıxan keçmiş siyasi məhbus Paşa Umudov da çıxış edib. O bildirib ki, həbsdən sonra ailə üzvləri təzyiqlərə məruz qalıb, ailəni kirayədə qaldığı mənzildən çıxarıblar, həkim işləyən qohumunu isə işdən çıxarıblar. -30B06-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz