Nardaranda sakinlərə elektrik enerjisi verilməsi üçün smart-aparatlar quraşdırlıb. Bu haqda Turan-a “Azərişıq” ASC-nin mətbat xidmətinin rəhbəri Tanrıverdi Mustafayev bildirib.
O, bunu da qeyd edib ki, bunun üçün sakinlər “Azərişıq”da yaradılmış qərargaha müraciət etməli, fərdi qaydada müqavilə imzalmalıdırlar. Onun sözlərinə görə, bundan sonra ödədikləri vəsaitə uyğun kartlara yüklənəcək enerjidən istifadə etmək hüququ qazanacaqlar.
Sakinlərin borcları məsələsinin necə həll ediləcəyi sualına T.Mustafayev “bu sonrakı məsələdir” cavabı verib.
Nardaran qəsəbəsinə elektrik enerjisi verilməsi kənddə polisin keçirdiyi xüsusi əməliyyatdan sonra dayandırılıb. Enerji verilməsində fasilə yaranmasına səbəb kimi kəndin 42 milyon manat enerji borcu olması göstərilir. Kənd əhalisi isə bu qədər borcun ola bilməsini inandırıcı saymayaraq, bu məsələnin uyğun qurumlarla birgə araşdırılmasını istəyirlər. -05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz