Bakı/14.09.19/Turan: Müsavat Partiyasının fəalı İlqar Mahmudun sentyabrın 14-də Binəqədi Rayon Məhkməsinin qərarı ilə 300 manat cərimə edildiyi bildirilir.
Bu barədə azadlığa buraxılan İlqar Mahmudun özü danışıb.
İ.Mahmud deyib ki, sentyabrın 14-də Binəqədi Rayon Məhkməsinə çıxarılıb və İnzibati Xətalar Məcəlləsinin 206-cı maddəsi ilə (Qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi) təqsirli bilinərək 300 (üç yüz manat) cərimə olunub.
Heç vaxt narkotik maddədən istifadə etmədiyini deyən Müsavatçı fəal həbsinin qurama olduğunu və buna görə də məhkəmə qərarından şikayət verəcəyini söyləyir.
"Qərarı hələ verməyiblər, qərar verilədən sonra mən də öz şikayətimi edəcəyəm", partiya fəalı vurğulayıb.
O, saxlanmasının və cərimə olunmasının səbəbini bilmədiyini söyləyir. İlqar Mahmud əlavə edir ki, sentyabrın 13-də Bakı-Sumqayıt yolundakı Ekologiya postunun yaxınlığında 3 nəfər mülki geyimli şəxs onu saxlayaraq 6 saylı Polis Bölməsinə gətirib:
"Polis bölməsinə girəndə gördüm ki, burada hal şahidi, video və sairə hamısı hazırdır",İ.Mahmud bildirib.
Sonra Maştağaya aparıldığını söyləyir
Onun sözlərinə görə, daha sonra narkoloji testdən keçirilmək üçün Maştağa qəsəbəsinə aparılıb:
"Mən orada həkimə dedim ki, əgər saxta sənəd versən səninlə Avropa İnsan Hüquqları Məhkəməsində görüşcəyik, amma yenə də öz bildiklərini etdilər" deyə İ.Mahmud qeyd edib.
Musavatçı fəalın bu dediklərinə, hələlik, Daxili İşlər Nazirliyi və Respublika Narkoloji Mərkəzdən münasibət almaq mümkün olmayıb.-0-
* * *
2019 Sentyabr 14 (Şəmbə) 21:54:09
Ötən gün saxlanılan müxalifətçi haqda məlumat yoxdur (YENİLƏNİB)
Bakı/14.09.19/Turan: Müsavat Partiyasının fəalı, sentyabrın 13-də saxlanılaraq naməlum istiqamətə aparılmış llqar Mahmudun yeri məlum deyil. Bunu Turan-a Müsavat Partiyası İcra Aparatının rəhbəri Gülağa Aslanlı bildirib.
"Polisə müraciətlər nəticə verməyib. İndi vəkil tuturuq ki, axtarışı davam etdirək və partiya üzvünün hüquqlarını müdafiə edə bilək", -G.Aslanlı qeyd edib.
İ.Mahmudun oğlunun sözlərinə görə, Xırdalan qəsəbəsində "ekoloji post"un yanında mülki geyimlilər atasını maşından endiriblər. Gəncdən kim olduğunu soruşublar və o, İ.Mahmudun oğlu olduğunu deyib. "Onlar qorxma, biz polisdənik deyib atamı apardılar", - İ.Mahmudun oğlu bildirib.
Müsavat Partiyası mətbuat xidmətinin rəhbəri Mustafa Hacıbəyli bildirib ki, sentyabrın 13-də axşam Binəqədi Rayon Polis İdarəsindən İ.Mahmudun taleyilə bağlı məlumat ala bilməyiblər. "Polisdən bildiriblər ki, orada belə şəxs yoxdur",- M.Hacıbəyli qeyd edib.-05B-
* * *
2019 Sentyabr 14 (Şəmbə) 12:34:04
Müsavat fəalının yeri bilinmir
Баку/13.09.19/Turan: Bu gün, sentyabrın 13-də Müsavat Partiyasının fəalı İlqar Mahmudun Bakıda yaşadğı evin yaxınlığında saxlanaraq naməlum istiqamətə aparıldığı bildirilir.
Müsavat Partiyası İcra Aparatının rəhbəri Gülağa Aslanlı AzadlıqRadiosuna deyib ki, yaxınlarının səylərinə baxmayaraq onun harada saxlandığını müəyyən edə bilməyiblər.
O, məsələ ilə bağlı bəzi fikirlərini də dilə gətirib:
"İlqar Mahmud partiyanın Laçın təşkilatının üzvüdür. "Laçına qayıdış" hərəkatının fəallarındandır. Köçkünlərin tədbirlərində həmişə fəal şəkildə iştirak edirdi".
Bu deyilənlərə, hələlik, hüquq-mühafizə orqanlarından münasibət almaq mümkün olmayıb.
"İlqar Mahmud partiyanın Laçın təşkilatının üzvüdür. "Laçına qayıdış" hərəkatının fəallarındandır. Köçkünlərin tədbirlərində həmişə fəal şəkildə iştirak edirdi".
Bu deyilənlərə, hələlik, hüquq-mühafizə orqanlarından münasibət almaq mümkün olmayıb.-0-
Cəmiyyət
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
-
Səhiyyə Nazirliyinin yüksək vəzifəli əməkdaşları həbs edilib, qanunsuz plastik cərrahiyyə əməliyyatlarının aparılması üçün saxta sertifikatlar təqdim etməkdə şübhəli bilinən altı nəfər saxlanılıb. Mətbuat məlumatlarına görə, saxta sertifikatlarla bağlı qalmaqallı yazılarda adı çəkilən Kadrlar, Elm və Təhsil Şöbəsinin müdiri Səidə Rüstəmova bu gün saxlanılıb. Araşdırma yazılarında adı keçən digər şəxslərin də, o cümlədən Səhiyyə nazirinin müavini İlqar Qasımovun həbs olunmuş ola biləcəyi bildirilib.
-
Dekabrın 25-də paytaxtda və Abşeron yarımadasında hava tutqun, yağıntısız olacaq. Şimal-qərb küləyi əsəcək. Nisbi rütubət 70-80% təşkil edəcək. Havanın temperaturu gecə 4-6, gündüz 8-11 dərəcə təşkil edəcək.
Rəy yaz