Açiq mənbələrdən foto.
Bakı/27.07.22/Turan: Müsavat Partiyası sədrinin müşaviri Əlikram Xurşidov inzibati qaydada 30 sutka həbs edilib. Bu barədə Turan-a Müsavat partiyasından bildiriblər.
Şirvanda yaşayan Xurşidovu iyulun 25-də telefonla polisə çağırıblar. Həmin vaxt Xurşidov Bakıda olub və ona rəsmi bildiriş göndərilməsini istəyib.
Ertəsi gün onu Bakıda saxlayıblar və Səbail Rayon Məhkəməsinə aparıblar. Məhkəmə onu "polisə tabe olmamaq" ittihamı ilə 30 sutkalığa həbs edib.
Müsavat Partiyasında hesab edirlər ki, həbsin əsl səbəbi iyulun 20-də ölkənin quru sərhədlərinin açılması tələbilə etiraz aksiyası ilə əlaqədar saxlandıqdan sonra polisin kobud və qeyri-etik hərəkətlərini üzə çıxarmasıdır.
"Şübhə yoxdur ki, bu, Əlikram Xurşidovun sosial şəbəkələrdə və KİV-də hökuməti tənqid etməsinə, həmçinin siyasi fəaliyyətinə görə sifarişli həbsdir", - Müsavat Partiyasının bəyanatında bildirilir.
Partiya qeyd edir ki, Xurşidovun məhkəməsi yaxınlarını xəbərdar etmədən və vəkil olmadan "gizli" aparılıb.
Öz növbəsində Daxili İşlər Nazirliyinin mətbuat xidmətində Xurşidovun Bakıda keçirilən etiraz aksiyası ilə əlaqədar həbs olunduğunu təkzib ediblər.
"Əlikram Xurşidov Bakıda ictimai asayişi pozmasına görə saxlanılıb. O, polisin ictimai qaydaya riayət etmək çağırışına məhəl qoymayıb. Onun barəsində İnzibati Xətalar Məcəlləsinin 535.1-ci maddəsilə (polisin qanuni tələblərinə tabe olmamaq) protokol tərtib edilib və məhkəmənin qərarı ilə 30 sutka həbs olunub", - Daxili İşlər Nazirliyinin mətbuat xidməti bölməsinin rəisi Zeyni Hüseynov Turan-a bildirib. O, Xurşidovun həbsində siyasi motivləri istisna edib. 06B
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz