Bakı/03.10.17/Turan: Masallı Rayon Məhkəməsi Müsavat Partiyasının Masallı rayon təşkilatının sədri Xasay Fərzullanı 2 il 6 ay müddətinə azadlıqdan məhrum edib.
Xasay Fərzulla bu il aprelin 5-də yol-nəqliyyat hadisəsi törədib. Belə ki, o Masallı rayonunun Bədəlan kənd ərazisində öz avtomobilində hərəkətdə olan zaman Bədəlan kənd sakini, piyada Rauf Tağıyevin qəfildən yola çıxması nəticəsində onu vurub. Sürücü dərhal Tağıyevi xəstəxanaya çatdırıb və Bakıda müalicəsinin, o cümlədən cərrahi əməliyyatın bütün xərclərini, öz üzərinə götürüb.
Vəkil Nemət Kərimli məhkəmənin hökmünü qərəzli sayır və apellyasiya şikayəti verəcəyini bildirib.
Müsavat Partiyasının başqanı Arif Hacılı məhkəmənin hökmünü siyasi adlandırıb.
"Analoji hallarda bəzən ümumiyyətlə cəza verilmədiyi və ya qat-qat yüngül cəza verildiyi halda Müsavat nümayəndəsinə sifarişlə mümkün olan ən yüksək cəza təyin edildi.
Hakimiyyətin fəaliyyət tarixinə Avropa Məhkəməsində uduzulacaq daha bir iş, daha bir qara ləkə həkk olundu", Arif Hacılı facebook səhifəsində yazıb.-0-
Cəmiyyət
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
-
“Azercell” istifadəçilərə daha rahat xidmət təcrübəsi təqdim etmək məqsədilə öz mobil tətbiqinə "Qonaq girişi" funksiyasını əlavə edib. Bu yenilik bütün istifadəçilərə Azercell-in müxtəlif xidmət və məhsullarını daha əlçatan edir.
Rəy yaz