Bakı/04.10.17/Turan: Araşdırmaçı jurnalist Xədicə İsmayılova oktyabrın 3-də Binəqədi Rayon Polis İdarəsinin 5-ci bölməsinə çağırılıb.
Jurnalist Turan-a bildirfb ki, polisdə öncə ona çağırışın səbəbini "mitinqlərə getməsilə" izah ediblər.
Sonra deyiblər ki, çağırış onun şərti cəzanı icra etməsinə nəzarətlə bağlıdır.
Jurnalistdən harada yaşadığını soruşublar. O, qardaşının yanında yaşadığını, orada qeydiyyatda olduğunu deyib. Bəzən isə anasının yanında qaldığını bildirib.
"Mənə dedilər ki, bir aydır ki, həmin ünvanı müşahidə edirlər və guya mən ora getmirəm. Mən dedim ki, "pis izləyirsiniz, mən orada qalıram", -X.İsmayılova qeyd edib.
Sonra ondan tələb ediblər ki, qohumları - nənə, baba, əmi, dayı, xala, bibi, qardaş, bacı və digər qohumları haqda məlumat versin. Və bunun "profilaktik məlumat toplanması" ilə bağlı olduğunu deyiblər.
"Mən onlara dedim ki, ancaq yaşayış yerləri üzrə məlumat verə bilərəm. Digər qohumlar haqda məlumat vermək etik deyil. Onlar təkid etdilər. Mən də öz dediyimin üstündə durdum. Sonda yazdım ki, yaddaşım pozulub, qohumlarımı xatırlamıram", - X.İsmayılova deyib.
Ondan haradan maliyyələşdiyini soruşublar. "Mən dedim ki, YUNESKO mükafatlarının hesabına", - jurnalist qeyd edib.
Hüquq sahəsində ekspert, vəkil Cavad Cavadov polisin hərəkətinin qanunsuz olduğunu bildirib.
"Polisə qanunsuz çağırışla bağlı məhkəməyə müraciət etmək lazımdır. Şərti cəzanın icrasına nəzarəti polis yox, məhkəmə icraçıları yerinə yetirirlər. Bu, məhkəmənin qərarı ilə belədir", - C.Cavadov Facebook səhifəsində yazıb.
X.İsmayılova 2014-cü ilin dekabrında həbs olunub. 2015-ci ilin sentyabrında məhkəmə jurnalisti iqtisadi ittihamlarla 7,5 il müddətinə azadlıqdan məhrum edib. X.İsmayılova günahını etiraf etməyib. Beynəlxalq təşkilatlar onu siyasi məhbus kimi tanıyıblar. 2016-cı ilıin mayında Ali Məhkəmə real həbs müddətini beş il sınaq müddəti olmaqla 3,5 il şərti cəza ilə əvəzləyib. Bundan sonra o, bir neçə dəfə məhkəməyə müraciət edərək peşə fəaliyyəti ilə bağlı ölkədən müvəqqəti çıxışına icazə verilməsini istəyib, ancaq bundan imtina edilib.-06-B---
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz