Açiq mənbələrdən foto.
Bakı/06.12.22/Turan: “Müsəlman Birliyi” Hərəkatının üzvləri Nicat Əliyev və Samir Babayev müvafiq olaraq 4 və 2 ay müddətinə həbs ediliblər. Onlar narkotik maddələrin qanunsuz alverində ittiham olunurlar. Bu barədə onların yaxınları bildiriblər.
Doğmaları təqsirləndirilən şəxslərə qarşı konkret hansı ittihamların irəli sürüldüyünü bilmirlər.
Əliyev dekabrın 1-də, Babayev isə dekabrın 2-də saxlanılıb.
Bundan öncə, noyabrın 23-də “Müsəlman Birliyi” Hərəkatının digər fəalı Şahin Qədirli narkotik maddə alveri ittihamı ilə həbs edilib.
Hərəkat qısa müddətdə üç üzvünün həbs olunmasını özbaşınalıq və qanunsuzluq hesab edir.
Təşkilat qanunsuz həbslərə son qoyulmasını, haqsız yerə həbsdə olan bütün fəalların azadlığa buraxılmasını tələb edib.
Xatırladaq ki, “Müsəlman Birliyi” Hərəkatının lideri Taleh Bağırzadə dövlət quruluşunu zorla dəyişdirməyə cəhd ittihamı ilə 20 il müddətinə azadlıqdan məhrum edilib.
Bağırzadə və tərəfdarları İran rejiminə öz rəğbətlərini gizlətməyiblər. 03B06
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz