Bakı/28.03.18/Turan: "Müsəlman Birliyi" Hərəkatının fəalı Xaliq Siyabov martın 27-də saxlanılıb və DİN Baş Cinayətkarlıqla Mübarizə İdarəsinə aparılıb. Orada fiziki təzyiqlərə məruz qalıb.
Bu, Məhbus Ailələrinin Müdafiəsi Koordinasiya Mərkəzinin iclasından (26 mart) bir gün sonra baş verib. O, iclas zamanı 11 aprel prezident seçkilərini boykot qərarını açıqlayıb. X.Siyabov evdən çıxarkən oğurlanıb.
"Müsəlman Birliyi"nin üzvləri bildiriblər ki, bir neçə saat ərzində X.Siyabovun yeri məlum olmayıb. Onu saat 21:00-da buraxıblar.
Polisdə onu döyüblər və açıq şəkildə bildiriblər ki, saxlanmasının səbəbi seçkiləri boykota çağırmasıdır. X.Siyabova xəbərdarlıq ediblər ki, 26 mart tədbiri təkrarlanarsa onun qadın qohumları həbs ediləcək.
Hərəkat üzvləri prezident seçkilərindən sonra fəallara qarşı yeni repressiya dalğasının başlayacağından ehtiyat edirlər.
Taleh Bağırzadənin rəhbərliyi ilə "Müsəlman Birliyi" Hərəkatının liderləri və fəalları 2015-ci ilin noyabrında Nardaranda keçirilən xüsusi əməliyyatdan sonra həbs ediliblər. Ötən ilin payızında Hərəkatın daha bir neçə fəalı həbs olunub.
DİN-dən şərh almaq mümkün olmayıb.-06B--
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz