Bakı/11.02.19/Turan: "Müsəlman Birliyi" Hərəkatının fəalı Bəxtiyar Bağırov beş gün öncə yoxa çıxıb, hüquq-müdafiəçisi Oqtay Gülalıyev Turan-a bildirib.
Qohumlarının sözlərinə görə, onu fevralın 6-da mülki geyimli şəxslər saxlayaraq naməlum istiqamətə aparıblar. Həmin vaxt Bakıxanov qəsəbəsində çayxanada olub.
Ancaq bu gün, fevralın 11-də məlum olub ki, o 20 sutkalığa həbs olunub və Binəqədi təcridxanasında saxlanılır. Onu kimin və nəyə görə mühakimə etməsinin səbəbləri məlum deyil. DİN-dən şərh almaq mümkün olmayıb.
Xatırladaq ki, "Müsəlman Birliyi" 2015-ci ilin yanvarında təsis edilib. Bundan sonra qurumun fəalları təqib və təzyiqlərə məruz qalıblar.
2015-ci il noyabrın 26-da Nardaran qəsəbəsində polis əməliyyat keçirib və aparıcı liderlər həbsə məruz qalıblar, sonradan konstitusiya quruluşunun devrilməsinə hazırlıq ittihamı ilə uzun müddətə mühakimə olunublar. Hazırda hərəkatın 70-dən çox fəalı həbsdədir.-05D-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz