![Açiq mənbələrdən foto.](https://turan.az/resized/750/500/resize/media/2021/main/072300035948.jpg)
Açiq mənbələrdən foto.
Müsəlman Birliyi Hərəkatının üzvü işgəncəyə məruz qaldığını bildirib
Bakı/23.07.21/Turan: İyunun 7-də saxlanılan Müsəlman Birliyi Hərəkatının üzvü Razi Hümbətov işgəncələr məruz qaldığını bildirib.
“Saxlanandan sonra Hümbətov ailəsi ilə bir neçə dəqiqə ərzində telefonla danışıb. Telefon danışığı zamanı o ailə üzvlərinə məlumat verə bilib ki, Daxili İşlər Nazirlinin Baş Mütəşəkkil Cinayətkarlıqla Mübarizə İdarərəsində 6 gün saxlanılaraq işgəncəyə məruz qalıb. Fiziki və psixi zorakılığın təsiri altında saxta izahat və ifadələrə imza atıb.”
Bu barədə Müdafə Xətti hüquq müdafiə təşkilatının rəhbəri Rüfət Səfərov facebook səhifəsində məlumat yayıb.
Hüquq müdafiəçisi bildirir ki, həbs yerlərinin daxili intizam Qaydalarına görə tutulmuş şəxs saxlanma yerinə gətirildikdən dərhal sonra yaxın qohumlarına və ya əlaqə saxlaması onun üçün qanuni maraq doğuran digər şəxslərə bu barədə məlumat vermək üçün telefonla zəng etməsinə şərait yaradılmalıdır.
“Həmin Qaydaların 18.1-ci bəndinə əsasən həbs edilmiş şəxs yaxın qohumları və ya əlaqə saxlaması onun üçün qanuni maraq doğuran digər şəxslər ilə ayda dörd dəfə 4 saatadək müddətə müvafiq şəraitdə və nəzarət altında görüşmək hüququna malikdir. Şübhəsizdir ki, Azərbaycanda avtoritar üsul-idarə mövcuddur, yuxarıda göstərilənlər məhz bundan irəli gəlir,” Səfərov qeyd edib.
Müsəlman Birliyi Hərəkatının üzvü Razi Hümbətov iyunun 7-də Abşeron rayonunun Ceyranbatan qəsəbəsində saxlanılaraq naməlum istiqamətə aparılıb.
İyunun 9-da ona Cinayət Məcəlləsinin 234.4.3 maddəsi ilə (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma-külli miqdarda törədildikdə) ittiham irəli sürülüb, barəsində Nərimanov Rayon Məhkəməsinin qərarı ilə həbs qətimkan tədbiri seçib.
“Razi Hümbətov fəaliyyəti boyu, xüsusilə də sosial şəbəkələrdə narkotik vasitələrin qanunsuz dövriyyəsinə qarşı sərt mövqe ifadə edib. Az əvvəl Hümbətovun qardaşı mənimlə əlaqə saxladı: 16 gün ərzində yaxınları ilə görüşməsinə imkan verilməyib,” Səfərov qeyd edib.
Öz növbəsində Daxili İşlər Nazirliynin Mətbuat xidməti Razi Hümbətovun fiziki və psixi zorakılığa məruz qalması ilə bağlı iddialrını rədd edib.
“Razi Hümbətovun iddialarını rədd edirik. Bu iddialar hər hansı fakta və sübuta söykənmir,” Mətbuat Xidmətindən Turan agentliyinə bildirblər. -03B-
-
- Foto sessiyalar
- 23 İyul 2021 17:08
-
- Siyasət
- 23 İyul 2021 18:08
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz