Bakı/03.10.19/Turan: Bakı meriyası oktyabrın 8-də şəhər administrasiyası qarşısında piket keçirməyi qadağan etsə də müxalifət aksiya keçirəcək. Bu barədə Turan-a Xalq Cəbhəsi Partiyasının gənclər təşkilatının sədri Emil Səlim bildirib.
O qeyd edib ki, piket sərbəst toplaşmaq azadlığının məhdudlaşdırılmasına və meriyanın şəhərin hüdudları daxilində müxalifətin mitinqinə icazə verməməsinə etiraz məqsədilə saat 12:00-a təyin edilib.
Şəhər hakimiyyəti hələlik piket keçirilməsi haqqında xəbərdarlığa cavab verməyib. Eyni zamanda, paytaxt polisinin nümayəndəsi bu gün bildirib ki, icazəsiz aksiya keçirilməsi cəhdinin qarşısı alınacaq.
"7 aydır toplaşmaq azadlığı pozulur və biz etiraz edirik. Aksiyanın qarşısını almaq istəyirlərsə, alsınlar. İstənilən zorakı hərəkət hakimiyyətin imicinə zərbə vuracaq və rejimin repressiv mahiyyətini bir daha təsdiq edəcək", deyə Səlim bildirib. -03B06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz