Agil Humbatov
Bakı/14.09.23/Turan: Azərbaycan Xalq Cəbhəsi Partiyasının fəalı, yerli hüquq müdafiəçilərinin siyasi məhbus kimi tanıdığı Aqıl Hümbətov dördüncü gündür ki, 2 saylı koloniyada aclıq edir.
Hümbətov bəraətverici əsaslarla azadlığa buraxılmasını, ailəsinin sosial problemlərinin həllini, o cümlədən ünvanlı maddi yardımın bərpasını tələb edir. Bu barədə Turan-a fəalın xanımı Aygün Hümbətova bildirib.
“Ona ailəsilə telefon əlaqəsi saxlamağa imkan verilmir. Çox güman ki, Aqili karserə salıblar.Ona görə zəng eləmir. Çünki bundan öncə də aclıq edəndə karserə salmışdılar”, - o deyib.
Hümbətova bildirib ki, həyat yoldaşının tələbləri yerinə yetirilməyib. "Bu gün Əmək və Əhalinin Sosial Müdafiəsi Nazirliyinin binası qarşısında etiraz etdim. Bundan sonra məni nazirliyin əməkdaşı qəbul etdi. Mən ailəmizə ünvanlı sosial müavinətin bərpasını tələb etdim. 3 azyaşlı övladımı saxlaya bilmirəm, ailə başçısı həbsdədir", - o deyib və əlavə edib ki, nazirlikdəki görüş nəticəsiz qalıb. 03B06
Cəmiyyət
-
Yeni il gecəsinin sakitliyində, atəşfəşanlıqlar Zaqatalanın səmasını işıqlandırarkən, daha qaranlıq bir mənzərə baş verirdi. Şəhər kənarındakı Danaçı poliqonunda toplaşan təxminən 15 sahibsiz it naməlum şəxslər tərəfindən güllələnmişdi. Hadisə atəşfəşanlıqların yaratdığı səs-küy ilə üst-üstə düşərək, bu dəhşətli aktın səhərə qədər fərq edilməməsinə səbəb oldu.
-
“Azərbaycan Dəmir Yolları” QSC (ADY) yanvarın 3-dən Bakı–Balakən–Bakı marşrutu üzrə sərnişin daşımalarının bərpa olunduğunu elan edib. İlk reyslərdə oturacaqların doluluq səviyyəsi 90%-dən çox olub ki, bu da xidmətə yüksək tələbatın olduğunu göstərir.
-
Azərbaycanın Milli Hidrometeorologiya Xidməti yanvarın 6-na olan hava proqnozunu açıqlayıb. Proqnoza görə, Bakıda və Abşeron yarımadasında dəyişkən buludlu və arabir yağışlı hava şəraiti gözlənilir.
-
Azərbaycan polisi yanvarın 4-də, o cümlədən əvvəlki dövrlərə aid bir cinayət də daxil olmaqla, ümumilikdə 32 cinayətin üstünü açıb. Bu barədə Daxili İşlər Nazirliyi məlumat yayıb.
Rəy yaz