Arxiv
Bakı/24.09.18/Turan: Bir qrup ictimai xadim, əsasən tanınmış müxalifətçi siyasətçilər RF prezidenti Vladimir Putinin 2018-ci il sentyabrın 25-də Azərbaycana səfərinin əhəmiyyətinin qiymətləndirilməsi ilə bağlı "dəyirmi masa" keçirib.
Sentyabrın 24-də keçirilən tədbirin yekunlarına əsasən bəyanat qəbul edilib. Bəyanatda Rusiya Federasiyasının sülhə və Azərbaycanın müstəqilliyinə təhlükə törətməsi qeyd olunur.
Azərbaycanda Rusiyapərəst xadimlərin "beşinci kolon"unun olduğu və RF-in bundan Azərbaycana qarşı siyasətdə istifadə etdiyi vurğulanır.
"Azərbaycan hakimiyyəti ölkənin KTMT-yə və Rusiyanın tabeliyində olan digər bloklara daxil olmasının mümkünlüyü barədə məqsədyönlü şəkildə ictimaiyyətə sızdırılan məlumatlara ən qısa zamanda aydınlıq gətirməlidir", - Qarabağ mitinqinə hazırlıq üzrə Təşkilat Komitəsinin üzvləri Mirmahmud Fəttayev, İsgəndər Həmidov, Sərdar Cəlaloğlu, İqbal Ağazadə, Arif Paşayey, Ellada Məmmədli, Rəşid Nazim, Firudin Məmmədov, Akif Nağı, Tural Abbaslı, Əli Əliyev, Pənah Hüseynov bildiriblər.
"Dəyirmi masa" iştirakçıları əmindirlər ki, Kreml postsovet ölkələrini öz nəzarətinə qaytarmaqla bağlı siyasət yürüdür və bundan ötrü terrorizm və separatizmdən, Rusiya ordusunun sülhməramlı qüvvələr adı altında özgə ərazilərinə yeridilməsindən istifadə edir.
Azərbaycanlı siyasətçilər ölkə və region ictimaiyyətini Rusiyanın ekspansiyasının qarşısında sıx birləşməyə, beynəlxalq təhlükəsizlik sisteminə arxalanaraq öz dövlətlərinin müstəqilliyini qorumağa çağırırlar. Onlar Azərbaycan ərazilərinin Ermənistan tərəfindən işğalına, Xocalı soyqırımına görə Rusiyanın birbaşa məsuliyyətini xatırladırlar. İşğal nəticəsində ölkədə bir milyona yaxın qaçqın və məcbur köçkün var.
Rusiya Azərbaycan torpaqlarını işğalda saxlamaqda davam edir, eyni zamanda Azərbaycanı Kremlin geosiyasi səylərinə zidd olan beynəlxalq qüvvələrdən təcrid etməyə çalışır. Azərbaycanın Xəzəryanı dövlətlərin əməkdaşlıq formatına cəlb edilməsi müxalifətçilər tərəfindən ölkənin öz suveren xarici siyasətindən imtina etməsi kimi qarşılanır. Bəyanat müəllifləri Azərbaycan-Rusiya münasibətlərinin Türkiyə-Rusiya münasibətləri ilə sinxronlaşdırılmasına üstünlük verirlər.
"Dəyirmi masa" iştirakçıları hərbi-texniki və iqtisadi sahələrdə Azərbaycan-Rusiya əlaqələrini dəstəkləyirlər, ancaq Azərbaycanda rus dilinin daha çox yayılmasına qarşı çıxırlar və Kremlin Azərbaycanda demokratiyanın inkişafına mane olmasını pisləyirlər. 0-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz