Açıq mənbələrdən foto
Bakı/24.09.18/Turan: Sentyabrın 24-də Azərbaycanda ARB-24 televiziya informasiya kanalının yayımı dayandırılıb. Telekanalın baş direktoru Aydın Şəfiyev və bu KİV-in redaktoru, baş direktorun oğlu Allahverdi Şəfiyev bu gün öz vəzifələrindən azad edilibllər, saytlardan biri bildirib.
ARB mediaholdinqinə məxsus ARB-24 kanalının bağlanmasının səbəbi Azərbaycanda gecə-gündüz çalışan ümumrespublika ixtisaslaşmış informasiya telekanalının yaranmasıdır, bu KİV-dəki mənbə bildirib.
Bir neçə gün öncə Milli Televiziya və Radio Yayım Şurasının sədri Nuşirəvan Məhərrəmli bildirib ki, Şuranın 28 dekabr 2017-ci il tarixli qərarı ilə "Türkel" TV MMC ixtisaslaşdırılmış xəbərlər telekanalı kimi gecə-gündüz yayımına müddətsiz lisenziya alıb. O həmçinin deyib ki, yeni kanal işə 2018-ci ilin oktabrında başlayacaq və bununla da ümumrespublika telekanallarının sayı on birə çatacaq.
Milli Televiziya və Radio Yayım Şurası 2017-ci il noyabrın 14-də ixtisaslaşdırılmış gecə-gündüz TV kimi müddətsiz lisenziya ala bilmək üçün ən yaxşı telekanalın müəyyən edilməsi üzrə müsabiqə elan etmişdi. Müsabiqə 2017-ci il noyabrın 16-dan dekabrın 16-dək keçirilib. Şura iştirakçılar - BAKU ART LAB MMC, "Türkel" TV MMC, MEDİA MASTER MMC - arasından ən yaxşı texniki bazası və peşəkar kadrları olan "Türkel" TV-ni seçib. "Türkel" TV - "Türkel" TV MMC (Azərbaycan) sahibi 31-ci telekanalda Bakıda və Abşeronda Azərbaycan dilində verilişlər yayımlayıb. 2016-cı il sentyabrın 19-da "Türkel" TV adını dəyişərək ARB 24 olub. Ardıcıl olaraq, ötən ilin dekabrında "Türkel" TV mediaholdinq öncə ARB mediaholdinqə verilmiş eyniadlı kanalı geri qaytarıb. Geri qaytarılmış kanal ümumrespublika gecə-gündüz informasiya mediaresursu statusunda fəaliyyət göstərəcək.
Deyilənlərə onu da əlavə etmək olar ki, bu il işə başlayan REAL telekanalı Real İnformasiya və Analitika Mərkəzinin bazasında yaradılıb və informasiya telekanalı formatında fəaliyyət göstərir. Onun işçilərinin məlumatına görə, telekanal Azərbaycan, rus və ingilis dillərində yayımlanaraq gecə-gündüz fəaliyyət göstərmək niyyətində olub. Real Mərkəzinə və telekanala qapadılmış ANS telekanalının keçmiş baş redaktoru Mirşahin Ağayev rəhbərlik edir.Агаев.-0-
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz