Aqil Hümbətov
Müxalifətçinin məhkəməsi qapalı rejimdə keçirilir
Bakı/03.11.21/Turan: Bu gün Bakı Ağır Cinayətlər Məhkəməsində hakim Samir Əliyevin sədrliyi ilə Azərbaycan Xalq Cəbhəsi Partiyasının fəalı Aqil Hümbətovun cinayət işi üzrə məhkəmə baxışı davam edib.
Məhkəmə faktiki olaraq qapalı şəraitdə keçirilib və vəkildən başqa kimsə iclas zalına buraxılmayıb.
Vəkil Nemət Kərimli jurnalistlərə bildirib ki, Aqil Hümbətov məhkəmə zalına qandalda gətirilib.
“Hümbətovun qandalının açılması, şüşə qəfəsdən çıxarılması,müttəhimin qohumlarının və tərəfdarlarının, həmçinin jurnalistlərin məhkəmə zalına buraxılması, həbs qətimkan tədbirinin dəyişdirilməsi və hakimə etiraz barədə vəsatətlər verdim. Hakim vəsatətləri təmin etməddi. Yalnız Hümbətovun qandallarını açdılar”, - Kərimli deyib.
Vəkilin sözlərinə görə, Hümbətovun ilkin ifadəsi işgəncə altında alınıb.
“Mən oktyabrın 16-da onunla görüşəndən sonra işgəncə altında verdiyi ifadədən imtina etdi. O bildirdi ki, Facebook-dakı fəaliyyəti ilə bağlı həbs edilib. Onun Facebookda uşaq pulu verilməsi ilə bağlı İlham Əliyevə müraciətləri var”, -vəkil deyib.
O qeyd edib ki, Hümbətova qarşı işgəncə ilə bağlı şikayət verib.
“Biz işgəncə ilə bağlı prokurorluğa şikayət vermişik. Guya prokurorluqda araşdırılıb. Amma heç ekspertiza da keçirilməyib. Hümbətov bildirir ki, qabırğası sınıb”,- vəkil deyib.
Növbəti məhkəmə iclası noyabrın 10-da olacaq. -03-
-
- Cəmiyyət
- 3 Noyabr 2021 15:27
-
- İqtisadiyyat
- 3 Noyabr 2021 15:42
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz