![�Nardaran işi-1� üzrə şikayətlərə baxılması təxirə salınıb](https://turan.az/resized/750/500/resize/media/2017/main/060800002157.jpg)
�Nardaran işi-1� üzrə şikayətlərə baxılması təxirə salınıb
Bakı/08.06.17/Turan: Bu gün Bakı Apellyasiya Məhkəməsində "Nardaran işi-1" üzrə müttəhimlərin şikayətlərinə baxılması baş tutmayıb.
İclasın əvvəlində vəkillər məhkəmənin diqqətinə çatdırıblar ki, onlar və müttəhimlər Bakı Ağır Cinayətlər Məhkəməsində iclasların protokolları ilə tanış ola bilməyiblər.
Vəkil Yalçın İmanov Turan-a bildirib ki, protokollar vəkillərə mayın əvvəlində verilib və iş dərhal Apellyasiya Məhkəməsinə göndərilib.
Hakim protokollarla tanış olmaq üçün işin birinci instansiya məhkəməyə göndərilməsi barədə vəsatəti təmin edib.
"Müsəlman Birliyi" Hərəkatının rəhbəri T.Bağırov və digər 17 nəfər 2015-ci il noyabrın 26-da Nardaran qəsəbəsində keçirilən xüsusi əməliyyat zamanı saxlanılıb. T.Bağırzadə Cinayət Məcəlləsinin 120 (qəsdən adam öldürmə), 228.3 (qanunsuz olaraq odlu silah əldə etmə), 228.4 (qanunsuz olaraq silah gəzdirmə) və digər maddələrilə ittiham olunur. O, ittihamları qəbul etmir. Heç kimi öldürmədiyini, heç bir silahlarının olmadığını, əksinə güc orqanlarının təxribatları ilə üzləşdiyini bildirir.
Nardaran hadisələri zamanı 2-i polis olmaqla, 6 nəfər həlak olub. Həmin hadisələrə görə, ümumilikdə 70-dən çox şəxs həbs edilib. Onlardan daha yüngül maddələrlə ittiham edilənlər 1 il 6 aydan, 2 il 6 aya qədər həbs cəzası alıb.-03B-
-
- Siyasət
- 8 İyun 2017 17:08
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz