“Nardaran işi” üzrə ittiham olunanların vəkilləri bu gün hökmdən apellyasiya şikayəti veriblər.
Xatırladaq ki, söhbət “Nardaran işi-1”dən gedir. Bakı Ağır Cinayətlər Məhkəməsində Əlövsət Abbasovun sədrliyilə “Müsəlman Birliyi”nin lideri Taleh Bağırzadənin və digər 17 müttəhimin barəsində hökm çıxarılıb.
T.Bağırzadə hakimiyyətin zorla ələ keçirilməsinə və konstitusiya quruluşunun dəyişdirilməsinə hazırlıqda ittiham olunaraq 20 il azadıqdan məhrum edilib. AXCP sədrinin müavini Fuad Qəhrəmanlı Facebook-da nardaranlıların ədalətli tələblərini dəstəklədiyinə görə 10 il azadlıqdan məhrum edilib. Digərlərinə uzunmüddətli həbs cəzası verilib.
Vəkillər Fariz Namazlı, Yalçın İmanov, Nemət Kərimli, Fəxrəddin Mehdiyev 15 şəxsin işi üzrə hökmdən kollektiv şikayəti təqdim ediblər. Vəkil F.Namazlı Turan-a bildirib ki, şikayətdə günahları sübut olunmadığına görə Taleh Bağırzadə, Abbas Hüseynov da daxil olmaqla, məhkumlara, o cümlədən AXCP sədrinin müavini Fuad Qəhrəmanlıya (cinayət tərkibi olmadığına görə) bəraət məsələsi qaldırılır.
Həmçinin müttəhimlərə işgəncələr verən DİN Baş Mütəşəkkil Cinayətkarlıqla Mübarizə İdarəsinin əməkdaşları Kərim Əlimərdanov, Şahlar Cəfərov, İslam Ağabəyov, İbrahim Kazımovun barəsində xüsusi qərardadın çıxarılması məsələsi qoyulur.
Müttəhimlərin təqsirsizlik prezumpsiyasının pozulmasının, Avropa İnsan Hüquqları Konvensiyasının 3-cü maddəsilə zəmanət verilmiş işgəncələrdən müdafiə hüququnun pozulmasının, həmçinin müttəhimlərin 5 məhkəmə iclası müddətində (14,16,19,21 və 23 dekabr) Bakı Ağır Cinayətlər Məhkəməsinin zirzəmisində saxlanmasının tanınması təklif olunur.
Dekabrın 14-23-də onlar prosesdə iştiraka buraxılmamalarına etiraz olaraq aclıq ediblər.
Şikayətdə istintaq zamanı müttəhimlərin hüquqlarının kobud şəkildə pozulması, işgəncə yolu ilə sübut əldə edilməsi qeyd olunur.
Həbsdə olanlara uzun müddət vəkillə, doğmaları ilə görüş verilməyib. Həbs qətimkan tədbiri seçildikdən sonra onlar həftələrlə BMCMİ-də saxlanılıblar.
Bəhruz Əsgərov, Cahad Babakişizadə və Şamil Abdullayev keyfiyyətli tibbi yardımdan məhrum ediliblər və indiyədək onların bədənində rezin güllə izləri var. Həmin güllələrdən 2015-ci ilin noyabrında Nardaranda polis əməliyyatı zamanı istifadə olunub.–06B--
Cəmiyyət
-
Avropada Təhlükəsizlik və Əməkdaşlıq Təşkilatının (ATƏT) Xarici İşlər Nazirləri Şurasının Maltada keçirilən (5-6 dekabr) 31-ci iclasında Azərbaycan və Ermənistanın xarici işlər nazirləri - Ceyhun Bayramovla Ararat Mirzoyan arasında görüş keçirilmədi.
-
Şənbə günü Bakıda və Abşeron yarımadasında hava tutqun olacaq, bəzi yerlərdə yağış yağacaq. Şimal-qərb küləyi cənub-şərq küləyi ilə əvəz olunacaq. Rütubət 70-80% təşkil edəcək. Havanın temperaturu gecə 6-8 dərəcə, gündüz 8-11 dərəcə olacaq.
-
Dekabrın 10-da Beynəlxalq İnsan Hüquqları Günü qeyd olunacaq. Azərbaycanda belə bir gün ərəfəsində hüquq müdafiəçisi Rüfət Səfərov həbs olunub. Dekabrın 4-də Binəqədi rayon Məhkəməsində onun barəsində 4 aylıq həbs-qətimkan tədbiri seçilib. Rəsmi ittiham dələduzluq, xuliqanlıq və az ağır xəsarət yetirmə olsa da, R.Səfərov bu iddiaları qəbul etmir və həbsini öz hüquq müdafiə fəaliyyəti ilə əlaqələndirir.
-
Cümə günü paytaxtda və Abşeronda yağış yağacağı gözlənilir, axşama doğru intensiv olacaq. Şimal-qərb küləyi əsəcək. Havanın temperaturu gecə müsbət 5 +7, gündüz müsbət 8 + 11 dərəcə olacaq. Rütubət 80-85 faiz olacaq.
Rəy yaz