![«Nardaran işi» üzrə məhkəmə başlayıb](https://turan.az/resized/750/500/resize/media/2016/main/080300164418.jpg)
«Nardaran işi» üzrə məhkəmə başlayıb
Çərşənbə günü Bakı Ağır Cinayətlər Məhkəməsində Nardaran qəsəbəsindəki iğtişaşlarda ittiham olunan “Müsəlman Birliyi” hərəkatının lideri Taleh Bağırzadə, AXCP sədr müavini Fuad Qəhrəmanlı və daha 16 nəfərin işi üzrə proses başlayıb.
Bağırzadə bir qrup tərəfdarı ilə birlikdə 2015-ci il noyabrın 26-da Nardaranda xüsusi əməliyyat zamanı saxlanılıb və CM-in bir sıra maddələri, o cümlədən qətl, konstitusiya dövlət quruluşunu devirməyə cəhd, qanunsuz silah saxlamaq və s. ilə ittiham olunub.
Qəhrəmanlı bundan xeyli sonra kütləvi iğtişaşlara çağırışda, ayrı-seçkilik salmaqda ittiham olunaraq saxlanılıb. İstintaq onun internetdə paylaşdığı fikirlərini belə qiymətləndirib.
Bu gün prosesdə ittiham aktı elan olunub. Müttəhimlər özlərini təqsirli bilməyiblər.
Vəkil Fariz Namazlının Turan-a verdiyi məlumata görə, Bağırzadə prosesdə bildirib ki, Nardaran hadisələri hakimiyyətin təxribatı idi və həlak olan iki polis “hakimiyyətin əli ilə öldürülüb”.
Onu sözlərinə görə, inanclı insanlar sadəcə namaz qılırdılar, bu zaman maskalı şəxslər oraya daxil olub. Dindarlar heç bir silahlı müqavimət göstərməyiblər. Bu zama həlak olan yerli sakinlərdən biri saxlandıqdan sonra maşındaca polislər tərəfindən ölənə qədər döyülüb.
Vəkil Namazlı həmçinin müvəkkili Abbas Hüseynova qarşı işgəncələrdən danışıb.
AXCP lideri Əli Kərimli jurnalistlərə bildirib ki, əvvəlcə bu işə AXCP-ni də, Demokratik Qüvvələrin Milli Şurasını da cəlb etmək istəyiblər. Amma Bağırzadə istintaqın təkliflərini qəbul etməyib və müxalifət qüvvələrinə böhtan atmayıb, bundan sonra ağır işgəncələrə məruz qalıb.
Bundan sonra hakimiyyətin müxalifəti işə “birləşdirmək” planı uğursuzluğa düçar olub və AXCP və Milli Şuranı işə bənd etmək üçün hakimiyyət Fuad Qəhrəmanlını həbs etməyi qərara alıb.
Kərimli qeyd edib ki, Qəhrəmanlıya qarşı dəlil kimi istintaq yalnız onun facebook-dakı 10 statusundan istifadə edib.
Proses avqustun 4-də davam edəcək. -06D-
Cəmiyyət
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
-
Yeni xidmət şirkətlərə korporativ cihazları vahid həll vasitəsilə effektiv şəkildə idarə etmək imkanı verir İnnovativ məhsulları ilə müştərilərinin kibertəhlükəsizlik imkanlarını gücləndirməyi hədəfləyən Azercell Biznes “Mobil Cihazların İdarə Edilməsi” həllini istifadəyə verir. İş tapşırıqlarının məsafədən yerinə yetirilməsi məqsədi ilə əməkdaşlarını smartfon, planşet, əl terminalları və s. mobil cihazlarla təmin edən şirkətlər bu yenilikdən faydalana biləcək.
-
Azərbaycanda sentyabrın 1-də keçiriləcək növbədənkənar parlament seçkiləri ilə bağlı 950-ə yaxın müşahidəçi qeydə alınıb. Bunu iyulun 24-də Mərkəzi Seçki Komissiyasının (MSK) sədri Məzahir Pənahov deyib: "İyulun sonunda Avropada Təhlükəsizlik və Əməkdaşlıq Təşkilatının (ATƏT) uzunmüddətli müşahidəçiləri da Azərbaycana gələcək".
-
Hərbi prokurorluq Naxçıvanda yerləşən hərbi hissələrdən birinin komandiri olan Samir Həziyevi həbs edib.
Rəy yaz