Nardaran kəndinin axundu Nuhbala Əliyev Kürdəxanıya köçürülüb
Nardaranda sakitlikdir, amma polis qüvvələri hələ də kənddədir. Bunu Turan-a kənd ağsaqqalı Natiq Kərimov bildirib.
O, bu il noyabrın 26-da Nardaranda baş verən silahlı insidentdə yaralananların yanına yaxınları da daxil olmaqla heç kəsin buraxılmadığını söyləyib. “Digər tərəfdən, yaralıların yanına heç kəs buraxılmadığı üçün xəstəxanada yaralı qalıb- qalmadığını da bilmirik”, - kənd ağsaqqalı bildirib.
N.Kərimov dekabrın əvvəllərində saxlanılaraq 12 sutka inzibati cəza alan hacı Nuhbala Əliyevin bu günlərdə Kürdəxanı təcridxanasına göndərildiyini söyləyib. “Evlərdə axtarışlar və sakinlərin saxlanmasıl davam edir”, - o qeyd edib.
Kəndə elektrik enerjisinin verildiyini deyən N.Kərimov pulsuzluq səbəbindən sakinlərin bu enerjidən istifadə edə bilmədiklərini vurğulayıb. “Hər 10 evdən 2-3-də işıq yanır, ya yanmır, pul yoxdur ki, karta elektrik enerjisi yükləmək mümkün olsun”, - o, kənd sakinlərinin maddi durumunu anladıb.
Kəndə qaz verilməsinə gəlincə, N.Kərimov kəndin bəzi yerlərinə qaz verilsə də təzyiq olmaması səbəbindən çox zəif yandığını, sakinlərin yenə də qaz balonları almağa məcbur olduqlarını nəzərə çatdırıb.
Yolların genişləndirilməsi prosesinin davam etdiyini deyən N.Kərimov kənddə polis bölməsi binasının inşasının da davam etdiyini xatırladıb.
Yolların genişləndirilməsinin evlərin, həyətyanı sahələrin sökülməsinə səbəb olacağını deyən kənd ağsaqqalı bundan ötrü hökumətin kompensasiya da nəzərdə tutduğunu söyləyib. “Sökülə biləcək evin hər kv.metrinə 400 manat, həyətyanı sahənin hər sotuna isə 1500 manat ödənməsi nəzərdə tutulur. Sakinlər ödənilməsi nəzərdə tuutlan kompensasiyaların azlığından narazıdır”, - N.Kərimov qeyd edib.-05B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz