Açiq mənbələrdən foto.
Narkodilerlərin növbəti qrupu zərərsizləşdirilib, böyük partiya tiryək müsadirə edilib
Bakı/20.08.21/Turan: Dövlət Gömrük Komitəsinin və Daxili İşlər Nazirliyi Narkobiznesə Qarşı Mübarizə İdarəsinin əməkdaşlarının birgə əməliyyatı zamanı narkodilerlərdən ibarət cinayətkar qrup zərərsizləşdirilib, bu barədə Dövlət Gömrük Komitəsinin 20 avqust tarixli məlumatında deyilir.
Belə ki, böyük partiya narkotik maddənin (9 kiloqrama tiryək) satışına çəhd zamanı qrupun üzvü Məhəmməd Məmmədov saxlanılıb. Onunla əlbir olan Pərvin Rzayev avtomobilin sükanı arxasında olduğundan qaçıb gizlənə bilib.
Avqustun 4-də Bakının Yasamal rayonunda qrupun digər iştirakçısı Rövşən Musazadə saxlanılıb, ertəsi gün isə Pərvin Rzayev Şirvan şəhərində saxlanılıb. Onlardan götürülmüş narkotik maddələr qaçaqmalçılıq yolu ilə İrandan gətirilib.
Faktla bağlı Cinayət Məcəlləsinin bir neçə maddəsi ilə cinayət işi açılıb, qrupun bütün üzvləri həbs edilib. -02D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz