![Natiq Cəfərli ölkədən çıxa bilib](https://turan.az/resized/media/2019/main/100100022034-750-500-resize.webp)
Natiq Cəfərli ölkədən çıxa bilib
Bakı/01.10.19/Turan: Respublikaçı Alternativ Partiyasının icra katibi Natiq Cəfərli Azərbaycandan çıxışına qadağanın olmasına baxmayaraq, bu gün ölkədən gedə bilib.
Sentyabrın 28-də o, məktub alıb ki, sentyabrın 19-da Səbayel Rayon Məhkəməsi onun 2014-cü ildən qalan vergi borcuna görə ölkədən çıxışına qadağa qoyub.
Lakin N.Cəfərli bildirib ki, 2017-ci ildə ona qarşı vergidən yayınma ittihamı ilə cinayət işinə xitam verilib, o vaxtdan isə sahibkarlıqla məşğul olmayıb.
"Sentyabrın 30-da Vergilər Nazirliyinə getdim. Ədalət naminə qeyd etməliyəm ki, məni çox nəzakətlə qarşıladılar və məsələyə aydınlıq gətirəcəklərini bildirdilər. Güman etdilər ki, "texniki səhv" olub. Ərizə yazdım ki, məsələni araşdırsınlar, yaxın günlərdə araşdırıb qərar verəcəklərini dedilər. Ölkədən çıxış qadağası qoymadıqlarını söylədilər", - N.Cəfərli Facebook səhifəsində yazıb.--0--
-
- Siyasət
- 1 Oktyabr 2019 17:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz