Açiq mənbələrdən foto.
Bakı/09.03.22/Turan: Naxçıvan Muxtar Respublikasının gömrükçüləri Avropaya tranzitlə gedən iki yük maşınından 228 kiloqramdan çox heroin götürüblər.
Gömrük Komitəsinin məlumatında bildirilir ki, yük maşınları Türkiyə vətəndaşlarına məxsus olub. Onlar Azərbaycan ərazisindən tranzit keçməklə Niderlanda un aparırmışlar.
Yük maşınları Culfada gömrük məntəqəsindən keçiblər ki, bu da onların İrandan gəldiklərini göstərir.
Rentgen vasitəsilə yoxlama zamanı gömrükçülər taxta paletlərdə gizlədilmiş narkotik maddələri aşkar ediblər.
Birinci yük maşınında 113 kiloqramdan çox heroin aşkar edilib, ikinci yük maşınında da bir o qədər heroin olub.
Bu faktlarla bağlı hər iki sürücüyə qarşı Azərbaycan Cinayət Məcəlləsinin 206-cı maddəsi (qaçaqmalçılıq) ilə cinayət işi başlanılıb.
Həmin şəxslərin adları, habelə hadisənin başvermə vaxtı açıqlanmır.-05D-
Cəmiyyət
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
-
Lider mobil operatorun elan etdiyi sosial layihə müsabiqəsində qalib gələn "Alternativ” Kommunikasiya və Tədqiqatlar İctimai Birliyi “FarmHer” proqramını həyata keçirir
-
AZAL təyyarəsinin qara qutuları Braziliyadan Qazaxıstana qaytarılıb və 25 dekabrda Aktau Hava Limanı yaxınlığında baş verən aviasiya qəzasının təhlili üçün araşdırma komissiyasına təqdim edilib. Bu barədə Qazaxıstanın Baş Prokurorluğu məlumat yayıb.
-
Yanvarın 15-də Məktəbəqədər və Ümumi Təhsil üzrə Dövlət Agentliyi bildirib ki, təhsilalanların tədris proosesi zamanı xüsusi hallar istisna olmaqla, telefon və digər ağıllı cihazlardan istifadəsi qadağan olunub.
Rəy yaz