Açiq mənbələrdən foto.
Bakı/07.01.22/Turan: Naxçıvandan tranzitlə Türkiyəyə mebel yükü daşıyan "DAF" markalı nəqliyyat vasitəsində böyük narkotik partiyası aşkar edilib. Bu barədə Dövlət Gömrük Komitəsinin 7 yanvar tarixli məlumatında deyilir.
Belə ki, "Şahtaxtı" gömrük məntəqəsini keçərkən divan və kresloların qoltuq hissələrində gizlədilmiş 26 ədəd bağlamada, ümumi çəkisi 47 kq 376 qram olan narkotik vasitə - tiryək aşkar edilərək götürülüb. Faktla bağlı Cinayət Məcəlləsinin 206.2-ci maddəsi ilə (qaçaqmalçılıq yolu ilə narkotik vasitələrin gömrük nəzarətindən kənar və ya ondan gizli keçirilməsi) cinayət işi açılıb.
Məlumatda yük maşınının hansı ölkəyə məxsus olduğu, sürücünün hansı ölkənin vətəndaşı olduğu, habelə yükün hansı ölkədən gəldiyi açıqlanmır. Amma məlumdur ki, "Şahtaxtı" gömrük məntəqəsi İranla sərhəddə yerləşir və yük maşını yalnız oradan gələ bilərdi. -02D-
Cəmiyyət
-
Ailə, Qadın və Uşaq Problemləri üzrə Dövlət Komitəsi 2023-cü il üçün illik hesabatını dərc edib. Sənəd ölkədə məişət zorakılığı ilə bağlı vəziyyətə işıq salır. Məruzədə əvvəlki illə müqayisədə qeydiyyata alınan halların sayının bir qədər azaldığı qeyd edilsə də, bu cür hadisələrin yayılma səviyyəsi və nəticələri ilə bağlı narahatlıqlar davam edir.
-
Azərbaycan Yerüstü Nəqliyyat Agentliyi bildirib ki, müvəqqəti sxemə əsasən, E1 və 125 nömrəli avtobus marşrutlarının hərəkəti alternativ küçələrlə həyata keçirilir.
-
Mayın 19-da içində İran prezidenti İbrahim Rəisi, xarici işlər naziri Hüseyn Əmir Abdullahian və bir neçə digər rəsmi şəxsin olduğu helikopter qəzaya uğrayıb. Mayın 20-də səhər saatlarında İranın rəsmi şəxsləri prezidentin və onun komandasının həlak olduğunu açıqlayıb. Qəzaya ilkin səbəb kimi əlverişsiz hava şəraiti göstərilir.
-
Mayın 21-də Bakıda və Abşeron yarımadasında hava şəraitinin dəyişkən buludlu, yağmursuz keçəcəyi gözlənilir. Səhər və axşam zəif duman olacaq. Şimal-qərb küləyi əsəcək. Havanın temperaturu gündüz 19-24 dərəcəyə qədər yüksələcək.
Rəy yaz