Nazirdən �hər şagirdinizi tanıyın� tapırığı

Bakı/17.04.19/Turan: Aprelin 16-da təhsil naziri Ceyhun Bayramov Bakı şəhərində yerləşən ümumi təhsil müəssisələrinin rəhbərləri ilə görüş keçirib. Bu barədə Təhsil Nazirliyinin aprelin 17-də yaydığı məlumatda deyilir.

Məlumata görə, nazir görüşdə direktorlara şagirdlərlə işin təşkili, məktəbdə sağlam mənəvi-psixoloji və təhlükəsiz mühitin təmin edilməsi barədə tapşırıqlar verib.

Bundan əlavə, C.Byaramov məktəb-müəllim-şagird-valideyn münasibətlərinin, müəllim və ya şagirdlərə qarşı zorakılıq halları barədə ümumi təhsil müəssisələrində olan mövcud vəziyyətin təhlil edilməsi, ümumilikdə bu sahədə aparılan işlərin təkmilləşdirilməsi ilə bağlı tapşırıqları dilə gətirib.

Bununa yanaşı, nazir tərəfindən hər bir ümumtəhsil məktəbinə həssas şagird qruplarının müəyyənləşdirilməsi və onlar barədə ətraflı məlumatın hazırlanması məktəb rəhbərliyinə tapşırılıb.

Ümumtəhsil müəssisələrində baş verən fövqəladə hallarda təhsil nazirinin "Xüsusi hallar barədə" 15 noyabr 2016-cı il tarixli əmrinin tələblərinə ciddi riayət edilməsi tələbi bir daha vurğulanıb.

Bununla yanaşı nazir bu sahədə məlumatlandırma, maarifləndirmə, monitorinq proseslərinə ictimaiyyətin nümayəndələrinin, təhsil ekspertlərinin cəlb edilməsi və s. ilə bağlı təkliflərin hazırlandığı qeyd olunub.

Təhsil naziri "Məktəblinin dostu" layihəsinin əhatə dairəsinin yaxın aylarda əhəmiyyətli şəkildə genişləndirilməsi barədə də məlumat verib.

Nazir qeyd edib ki, bəzi yeniliklər edilməsi planlaşdırılır, o cümlədən məktəbdə bu və ya digər zorakılığa məruz qalmış şagird və ya valideyn tərəfindən birbaşa olaraq təhsil idarəetmə orqanlarında bu mövzu ilə bağlı yaradılacaq "Qaynar xətt"lərə müraciət edilməsi imkanı yaradılacaq.

Xatırladaq ki, 2019-cu il aprlein 4-də 162 saylı məktəbin VIII sinif şagirdi Elina Hacıyeva özünü məktəbin3-cü mərətbəsindən ataraq, özünə qəsd edib. Məktəbli aprelin 6-da aldığı xəsarətlərdən müalicə olunduğu xəstəxanada dünyasını dəyişib. Məktəb rəhbərliyi şagirdin özünə qəsd etməsini ailədəki problemlərlə, ailə isə məktbədə ona olan münasibətlə əlaqələndirib.

Aprlein 6-da Bakı Şəhər Prokurorluğu faktla bağlı Cinayət Məcəlləsinin 125-ci (özünü öldürmə həddinə çatdırma) maddəsilə cinayət işi qaldırıb. Bakı Şəhər Təhsil İdarəsi xidməti aradırma aparıb. Araşdırmanın nəticəsi olaraq məktəbin direktoru Sevinc Abbasova vəzifəsindən kənarlaşdırılıb. Aprelin 9-da təhsil naziri Ceyhun Bayramovun yanında keçirilən iclasda S.Abbasova, müavini və məktəbin psixoloqu işdən azad ediliblər.

Aprelin 16-da Saəbil rayon Məhkəməsinin qərarı ilə S.Abbasova barəsində ev dustaqlığı qətimkan tədbiri seçlilib. Sevinc Abbasova Cinayət Məcəlləsinin 143-cü (təhlükədə qoyma) və 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddələri ilə təqsirləndirilən şəxs qismində cəlb olunub. --0--