![министр иностранных дел РФ Сергей Лавров](https://turan.az/resized/750/500/resize/media/2019/main/041700018281.jpg)
министр иностранных дел РФ Сергей Лавров
Sergey Lavrov Bakı və Yerevan arasında razılaşmaların həyata keçiriləcəyinə inanır
Moskva/17.04.19/Turan: RF XİN başçısı Sergey Lavrov Azərbaycan və Ermənistan xarici işlər nazirlərinin onun iştirakı ilə keçirilən 15 aprel Moskva görüşünün yekunları ilə bağlı nikbinliyini dilə gətirib.
Moskvada Serbiya XİN başçısı Daçiçlə birgə mətbuat konfransında Lavrova "Aprelin 15-də görüşdə hələ 2016-cı ildə təklif edilmiş nizamlama planının müzakirə edildiyi doğrudur? Bu planın əsas bəndləri nələrdir və nazirlərin razılaşdırdığı humanitar addımlar necə həyata keçiriləcək?" sualı verilib.
Buna cavabda Lavrov bildirib ki, 2016-cı il planının müzakirəsi haqqında Azərbaycan XİN başçısı Məmmədyarov danışıb. "Buna görə də mənim əlavə edəcəyim bir şey yoxdur", deyə Lavrov bildirib.
Bu təkliflərin mahiyyətinə gəlincə, onlar ATƏT-in Misnk Qrupunun həmsədri olan ölkələrin başçılarının çoxsaylı bəyanatlarında təsbit edilmiş yanaşmalar məcrasındadır və tərəflərin özləri arasında ərazi bütövlüyü, xalqların öz müqəddəratını təyin etməsi, müdaxilə etməmə və güc tətbiq edilməməsi prinsipləri əsasında razılaşmaların axtarışını nəzərdə tutur.
"Sizi dövlət başçılarının bu bəyanatlar seriyasına və ATƏT-də ötən ilin dekabrında Xarici İşlər Nazirlər Şurasının iclasında qəbul edilmiş son bəyanatlara baxmağa dəvət edirəm. Orada işin bütün təməl istiqamətləri əksini tapıb. Təfsilatı, əlbəttə ki, məxfidir", deyə Lavrov bildirib.
Humanitar tədbirlər birgə Bəyanatda əksini tapıb. Tərəflər kənd təsərrüfatı işləri dövründə, vəziyyətin sabitləşdirilməsi üçün əlavə səy göstərmək; qohumların həbs yerlərində saxlanılan doğmalarına və yaxınlarına baş çəkməsi üçün səfərlərə yardım etməsi; insanların və xüsusən KİV nümayəndələri arasında əlaqələrə yardım etməyi bildirb, deyə Rusiyalı nazir bildirib.
"Şərhlər oxumuşam ki, əvvəllər də, xüsusən humanitar sahədə, bənzər şeylər razılaşdırılıb, amma heç də həmişə yerinə yetirilməyib. Bu, doğrudur. Amma Moskvada baş tutmuş görüşün yekunlarına görə, hazırda işin getdiyi atmosferi belədir ki, bu dəfə razılaşmaların kağız üzərində qalmamasını hesab etmək üçün əsaslarım var. Bu məsələdə onlara kömək edəcəyik", deyə Lavrov qeyd edib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz