Bakı/20.04.19/Turan: Nazirlər Kabineti 2019-cu il aprelin 16-da "Azərbaycan dilinin Orfoqrafiya Normaları"nı təsdiq edib. Bu məlumat Nazirlər Kabinetinin saytında yer alır.
Məlumatda deyilir ki, bu qərarda dəyişikliklər Azərbaycan Prezidentinin 2002-ci il 24 avqust tarixli 772 nömrəli Fərmanı ilə təsdiq edilmiş "İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə"nin 2.6-1-ci bəndinə uyğun edilə bilər.
Qərarı Azərbaycan Respublikasının Baş naziri Novruz Məmmədov imzalayıb.
Normalar Azərbaycan mənşəli sözlərin, alınma sözlərdə sait və samitlərin, qoşa saitli və qoşa samiti sözlərin, şəkilçilərin, mürəkkəb sözlərin, köməkçi sözlərin, ilk hərfi böyük yazılan sözlərin, ixtisar və qısaltmaların, sözün sətirdən sətirə keçirilməsi qaydalarını müəyyən edir.
Normalar 10 hissədən ibarətdir. -0-
Cəmiyyət
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
Rəy yaz