![Nazirlər Kabineti qəbiristanlıqların salınması və idarə olunması qaydalarını təsdiqləyb](https://turan.az/resized/media/2018/main/121200015474-750-500-resize.webp)
Nazirlər Kabineti qəbiristanlıqların salınması və idarə olunması qaydalarını təsdiqləyb
Bakı/12.12.18/Turan: 2018-ci il dekabrın 4-də Azərbaycan Nazirlər Kabineti "Qəbiristanlıqların salınması və idarə olunması" qaydalarına dair 522-ci qərarı qəbul edib. Qaydalar hüzr və dəfn rituallarını əhatə edərək onları xırdalıqlarına qədər təsvir etməklə öz adından kənara çıxır. Qaydalar Mülki, Şəhərsalma və Tikinti məcəllələri, "Bələdiyyələrin statusu haqqında", "Dini etiqad azadlığı haqqında" qanunlar və digər normativ aktlar nəzərə alınmaqla qəbul edilib.
Qaydalar qəbiristanlıqların yaşayış məntəqələrindən yerləşmə, sanitariya və təmizlik normalarını, məzarların mühafizəsi, hakimiyyət orqanlarının və mərhumun qohumlarının qəbiristanlıqların saxlanması ilə bağlı məsuliyyəti, ailənin hələ sağ olan üzvləri üçün gələcək qəbirlərin alınması hüququnu, yaşıllaşdırma, qeydiyyat qaydaları, dövlət uçotu (reyestr), məzarların köçürülməsi, təkrar dəfn, ritual və qəbiristanlıq xidmətləri, mərhumun kateqoriyasından asılı olaraq məzarın ölçüsünü nəzərdə tutur.
Həmçinin qaydalar mərhumun yuyulması, hətta bu zaman istifadə olunmuş suyun atılması, müəyyən yaşayış yeri olmayan şəxslərin, məhbusların, uşaq evlərinin və qocalar evlərinin sakinlərinin dəfn edilməsi qaydalarını dəqiqləşdirir. Qeyd olunub ki, mərhumu daşıyan avtomobilin sahibi sonradan onu mütləq yumalıdır.
Nəhayət, kremasiya və kolumbarilərin yaradılması qaydaları nəzərdə tutulub.
Qaydalar cəmiyyətdə israfçılıq və sərvətin nümayişinə yönəlməsi hesab edilən ənənələrin çoxunu qadağan edir. Belə ki, qaydaların tətbiqindən sonra mərhumun haqqında bütün məlumatlar onun ölümündən dərhal sonra dövlət reyestrinə daxil ediləcək. Çünki bunsuz məzarda yer ayrılmayacaq; abidə qoymaq və kütləvi məzarüstü ucaltmaq olmaz; dəfn edilənin həyat yoldaşı istisna olmaqla, sag insanlar üçün məzar almaq qadağan edilir.
Qanunun icrasına bələdiyyə nəzarət edəcək.
Qeyd etmək lazımdır ki, uzun illərdir ki, Azərbaycan ictimaiyyətində qəbiristanlıq qaydaları, adətlər, dəfn, matəmin keçirilməsi və yas mərasimləri qaydaları müzakirə olunur. Cəmiyyət ümumilikdə israfçılığın, dəbdəbəli dəfn mərasimlərinin əleyhinədir.
Bununla bağlı sərt qaydalar Naxçıvan Muxtar Respublikasında qəbul olunub və ümumilikdə təqdir edilir. Qafqaz Müsəlmanları İdarəsinin rəhbəri şeyxülislam Allahşükür Paşazadə və digət ictimai xadimlər dəfələrlə vətəndaşları yas mərasimlərini sadə şəkildə keçirməyə, mərhumun ailəsini əlavə xərcə düşməyə sövq etməməyə çağırıblar.0-
-
- Aktual Reportaj
- 12 Dekabr 2018 13:46
-
- Siyasət
- 12 Dekabr 2018 14:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz