Bakı/09.01.18/Turan: "İtkin düşən alpinistlərin lazımi avadanlıqlarla təchiz olunmamasına görə bilavasitə onların üzvü olduqları klub məsuliyyət daşıyır". Ekologiya və Təbii sərvətlər nazirinin müavini Firdovsi Əliyev bunu itkin düşmüş alpinistlərin axtarışı ilə bağlı yaradılan qərargahda yanvarın 9-da keçirilən mətbuat konfransında deyib.
F.Əliyevin sözlərinə görə, "Gilavar" idman klubu Ədliyyə Nazirliyində qeydiyyatdan keçib: "Alpinistlərin itkin düşdüyü ərazi "Şahdağ" Milli Parkının ərazisinə düşür. Milli Parka giriş üçün icazə yalnız flora və faunanın mühafizəsinə görə verilir. Azərbaycan Hava və Ekstremal İdman Növləri Federasiyasının, yaxud nazirliyin alpinistləri lazım olan avadanlıqlarla təchiz etmək öhdəliyi yoxdur. Son 10 il ərzində 400-dən çox alpinistə dağa qalxmaq üçün icazə verilib. Bu, ilk belə bədbəxt hadisədir", -deyə nazir müavini əlavə edib.
"İtkin düşən alpinistlər tapılana kimi axtarışlar davam etdiriləcək. Bu məsələ konkretdir". Bunu isə həmin mətbuat konfransında fövqəladə hallar nazirinin müavini Faiq Tağızadə bildirib.
F.Tağızadə deyib ki, itkin düşən 3 alpinistin axtarışında ancaq peşəkarlar iştirak etməlidir: "İtkin düşən alpinistlər ən asan - B 1 marşrutu üzrə hərəkət etməliymişlər. Sonradan marşrut dəyişib. Həmin marşrut üzrə ərazilər seçilib, birinci ərazi yoxlanılıb, orada alpinistlərə rast gəlinməyib".
Xatırladaq ki, "Gilavar" idman klubunun üzvləri, alpinistlər Fəridə Cəbrayılzadə, Namin Bunyatov, Babur Hüseynov 2017-ci il dekabrın 23-də Quba rayonunun Xınalıq kəndi istiqamətindən Tufandağa yürüşə çıxıblar. Elə həmin gün də onlarla əlaqə itib.
Fövqəladə Hallar Nazirliyi alpinistlərin itkin düşməsilə bağlı məlumatın nazirliyə dekabrın 26-sı axşam daxil olduğunu deyir və dekqbrın 27-dən axtarışlara başlandığını bildirir. Bununla bağlı Əməliyyat Qərargahı yaradılıb. Axtarışlar səhər saat 6-dan axşam saat 17-yə kimi davam edir.
Qeyd edək ki, faktla bağlı Baş Prokuroluğun Ağır Cinayətlər üzrə İstintaq İdarəsi Cinayət Məcəlləsinin 314-cü (səhlənkarlıq) maddəsilə cinayət işi qaldırıb. -05B-
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz