Neftçalada azyaşlıların zorlanması iddiası – Vəfa Nağı "Çətin sual" qarşısında -Canlı

Bakı/07.04.21/Turan: İctimai-siyasi fəal Vəfa Nağı aprelin 3-də “Feysbuk” hesabında Neftçala rayonunun Mirqurbanlı kəndində zorlanma hadisəsinin baş verdiyini yazıb.  

“Atası ruhi xəstə olan 9-cu sinif şagirdi (qızın anası yoxdur) üç-dörd oğlan tərəfindən zorlanıb və kənddə yolun kənarına atılıb. Hazırda qız bağlı qapı arxasında saxlanır və bayıra buraxılmır”.

O, həmin kənddə başqa azyaşlının da cinsi istismara məruz qaldığını bildirib:

“Bundan başqa, Mirqurbanlı kəndində digər təcavüz hadisəsi 12-13 yaşlı uşağın başına gəlib.

Evdə kimsəsiz olan uşaq yaxınlıqda yaşayan 32 yaşında kişi tərəfindən təcavüzə məruz qalıb, uşaq qışqırmağa başlayanda onun səsinə qonşular gəlib. Oğlan polisə aparılsa da, sərbəst buraxılıb. Oğlanın bacısı deyib ki, polislər mənim dostumdur, narahat olma, səni kimsə tuta bilməz”.

Daxili İşlər Nazirliyi Vəfa Nağının Neftçala rayonunda iki azyaşlı qızın təcavüzə məruz qalması haqda paylaşdığı məlumatla bağlı araşdırmalara başlayıb. Bir nəfər barəsində rayon məhkəməsinin qərarı ilə üç aylıq həbs qətimkan tədbiri seçilib.

Azyaşlıların zorlanması, eləcə də aparılan araşdırmalarla bağlı ictimai fəal Vəfa Nağı saat 15:00-da “Çətin sual” verilişində Kamran Mahmudovun qonağı olacaq. -0—