"Neftçi" AL-nın 3-cü turuna adladı, "Sumqayıt" və "Keşlə" rusvayçılıqla turniri tərk etdilər

Bakı/28.08.20/Turan: Avropa Liqasında oynayan üç Azərbaycan futbol klubundan yalnız Bakının "Neftçi" komandası üçüncü təsnifat mərhələsinə adlayıb.

Cümə axşamı “Neftçi” çətinliklə Şimali Makedoniyanın “Şkupi” klubunu 2: 1 hesabı ilə məğlub edib.

İlk hissədə bakılılar baxımlı oyun nümayiş etdirməyib və rəqib qapısında bir dəfə də olsun təhlükəli vəziyyət yaratmayıb.

İkinci hissədə "Neftçi"nin oyunu qızışıb və yaratdığı bir neçə qol epizodundan ikisini reallaşdırıb.

Əlavə edilmiş vaxtda qonaqlar qollardan birinin əvəzini çıxıb.

“Sumqayıt” isə doğma meydanda Şimali Makedoniyanın digər klubu olan “Şkendiya”ya 0:2 hesabı ilə məğlub olub.

“Keşlə” FK-da öz növbəsində Albaniyanın “Laçi” komandasının öhdəsindən gələ bilməyib. Oyunun əsas və əlavə vaxtları qolsuz bərabərliklə başa çatıb. Oyunsonrası penaltilərdə albanlar daha şanslı olub və 5:4 hesabı ilə qalib gəlib.

Karantin rejimi ilə əlaqədar olaraq Avrokubokların təsnifat oyunları bir dəfə keçirilir.

Püşk Azərbaycan klubları üçün əlverişli oldu və hamısı evdə oynadı.

Lakin bu üstünlükdən yalnız “Neftçi” yararlana bildi.

Xatırladaq ki, “Qarabağ” ardıcıl olaraq Şimalı Makedoniyanın “Sileks” komandasını 4:0 və Moldovanın “Şerif” komandasını 1:0 hesabı ilə məğlub edərək Çempionlar Liqasında üçüncü mərhələyə adlayıb.–06D-