Çingiz Abdullayev və Rövnəq Abdullayev
Bakı/22.07.17/Turan: Bu gün “Neftçi” futbol klubunun paytaxtın “Bakcell-Arena” stadionu ərazisində yerləşən muzeyinin və fanşopunun açılış mərasimi keçirilib. Bu hadisə Bakıda ən köhnə futbol klubunun yaradılmasının 80 illiyinə həsr olunub.
Mərasimdə AFFA Milli Futbol Federasiyasının rəhbərliyi, “Neftçi” veteranları, futbol ictimaiyyətinin nümayəndələri, habelə Azərbaycanın futbol üzrə yığma komandasının baş məşqçisi Robert Prosineçki iştirak edib.
Muzeyin ekspozisiyasına klubun tarixi ilə bağlı nadir fotoşəkillər və eksponatlar daxildir. “Neftçi”nin SSRİ çempionatında bürünc medal qazandığı 1966-cı ilə həsr olunmuş stend xüsusilə diqqət çəkir. Elə buradaca bu uğuru təmin edən əfsanəvi heyət haqqında məlumat var.
Fanşopdan komandanın hazırki formasını və rəmzlərini almaq olar.
“Neftçi” FK-nin muzeyi və fanşopu mayın 1-dən etibarən hər gün (istirahət günləri istisna olmaqla) saat 10:00-dan 18:00-a qədər ziyarətçilər üçün açıq olacaq.
Muzeyə girişin qiyməti 2 AZN-dir. 7 yaşdan kiçik uşaqlar üçün giriş pulsuzdur. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz