"Neftçi"nin əzmli heç-heçəsi

Bakı/09.08.19/Turan: Bakının "Neftçi" klubu avqustun 8-də futbol üzrə Avropa Liqasının 3-cü təsnifat mərhələsinin birinci oyununda öz meydançasında İsrailin "Bney Yequda" komandası ilə oyunu heç-heçə başa vurub.

Birinci taymda "Neftçi"nin oyunu alınmayıb. Bakılıların hücumları qonaqların dərin müdafiəsi ilə qarşılaşırdı. Bu zaman "Bney Yequda" cəld və kəskin əks hücumlar həyata keçirirdi. Belə hücumlardan birində, 26-cı dəqiqədə Tambi Saqas "Neftçi"nin müdafiəsində boşluqdan istifadə edərək hesabı açıb. 10 dəqiqə sonra Mohamed Qadir hesabı ikiyə qatlayıb. Yalnız birinci taymın sonuna yaxın Bakılılar buraxılmış qolların şokundan çıxaraq qonağın qapısına hücumu artırıblar. 43-cü dəqiqədə ev sahiblərinin uzun sürən hücumu uğurla nəticələnib - Jozef-Monrozu bir qol vurub.

Oyunun ikinci yarısı tamamilə "Neftçi"nin üstünlüyü ilə keçib. "Bney Yequda" açıq-aşkar hesabı qoruyub saxlamaq üçün oynayıb. Bu zaman qonaqlar, demək olar ki, hər yıxılmadan həkim çağırmaq, "Bney Yequda" oyunçularının xərəklərlə çıxarılması üçün istifadə ediblər. Amma "zərərçəkmişlər" dərhal meydançaya qayıdırdılar və hakim bir dəfə belə qonaqların simulyasiyasını üzə vurmayıb. Bununla belə, hakim bütün dayandırmaları nəzərə alıb və 8 dəqiqə əlavə edib.

"Neftçi"nin israrlılığı mükafatını alıb. Əlavə olunmuş vaxtın bitməsinə son iki dəqiqə qalmış Namiq Ələsgərov hər kəsdən cəld komanda yoldaşının qapıçı xəttinə tərəf pas verdiyi topun başına keçib və səhvsiz qol vurub. "Neftçi" məğlubiyyətdən qurtulub, amma bir həftə sonra Bakılılar qələbə üçün oynamalı olacaqlar ki, bu da asan olmayacaq. -06D-