NİDA Vətəndaş Hərəkatı bloger Əbdül Əbilovun karserə (cəza kamerası) salındığını bildirir.
NİDA həmçinin 13 saylı cəzaçəkmə müəssisəsində məhbuslarla davranışa etiraz edir.
Hərəkatın fevralın 3-də siyasi məhbusların saxlanma vəziyyəti ilə bağlı yaydığı bəyanatda deyilir ki, yanvarın25-də NİDAçı bloger Əbdül Əbilovun anası Nurcahan Əbilova mətbuata açıqlamasında Əbdülün səhhətində problemlərin olduğunu bildirib.
“ NİDA Vətəndaş Hərəkatı problemi araşdırdıq və 13 saylı cəzacəkmə müəssisəsində saxlanılan siyasi məhbuslarla bağlı türmə (cəzaçəkmə müəssisəsi nəzərdə tutulur-red) rəhbərliyinin özbaşınalıqları və təzyiqləri haqda məlumatlar əldə etdik. İlkin olaraq Əbdül Əbilovla bağlı ictimaiyyəti məlumatlandırmaq istəyirik ki, o, digər siyasi məhbus Anar Məmmədli ilə birlikdə yemək yediyinə görə birgünlük karserə salınıb. Orada onunla kobud davranılıb, fiziki zorakılıq və təzyiq olunub. Ümumiyyətlə, 13 saylı cəzaçəkmə müəssisəsində digər siyasi məhbuslarla da türmə rəhbərliyi kobud davranır və müxtəlif qanunsuz qadağalar qoyub. Siyasi məhbuslara bir-biri ilə görüşməyə, söhbət etməyə, birgə yemək yeməyə imkan verilmir. Onlara bir-biri ilə görüşəcəkləri təqdirdə cəzalandırılacaqları bildirilib”, - sənəddə qeyd edilir.
NİDA Vətəndaş Hərəkatı Ədliyyə Nazirliyindən, Penitensiar Xidmətdən və digər aidiyyatı qurumlardan baş verənləri araşdırmağı, 13 saylı cəzaçəkmə müəssisəsinin rəhbərliyindən məhbuslarla qeyri-insanı davranışı dayandırmağı tələb edir.
Öz növbəsində, Penitensiar Xidmət bəyanatla bağlı hələ münasibət bildirməyib. Bununla yanaşı, Penitensiar Xidmət bir qayda olaraq cəzaçəkmə müəssisələrində məhbuslara qarşı ayrı-seçkiliyə, fiziki və mənəvi təzyiqlərə yol verilmədiyini, məhbuslarla münasibətdə hüquqi normalara əməl edildiyini bildirir.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz