![Novruz bayramı süfrəsi 38% bahalaşıb](https://turan.az/resized/750/500/resize/media/2016/main/031900150434.jpg)
Novruz bayramı süfrəsi 38% bahalaşıb
2016-cı ildə Azərbaycanda Novruz bayramı süfrəsi 38% bahalaşıb.
Əgər 2015-ci ildə 4 nəfərlik orta statistik ailənin bayram süfrəsi 60 manata başa gəlirdisə, bu il 83 manatadək artıb. Bu, orta statistik ailə üçün müəyyən edilmiş 526 manat həcmində yaşayış minimumu məbləğinin 15,7%-ni təşkil edir.
Ötən il yaşayış minimumu 496 manat, bayram süfrəsi isə bu məbləğin 12%-ni təşkil edib.
Turan agentliyi bayram süfrəsi məhsulları səbətinin hazırlanmasında ənənəvi olaraq 22 məhsulu götürüb: ət, düyü, yağ, yumurta, şirniyyat, ədviyyat və s.
Əhalinin hansı hissəsinin az büdcə vəsaitindən bayram yeməyi üçün nə qədər ayıracağını söyləmək çətindir. Çünki yoxsulluğun səviyyəsi barədə rəsmi statistika inamsızlıq doğurur.
Dövlət Statistika Komitəsinin məlumatına görə, ölkədə yoxsulluq 5% təşkil edir. Lakin Azərbaycan hökuməti və Dünya Bankının çərçivə sazişinə görə, 2020-ci ildə çalışan əhali strukturunda orta sinif seqmentinin indiki 4%-dən 30%-dək artırılması proqnozlaşdırılır.
Əgər orta sinif 4% təşkil edirsə və əhalinin zəngin təbəqəsi də bir o qədərdirsə, o zaman əməkqabiliyyətli vətəndaşların qalan hissəsini hara aid etmək lazımdır? Dünya Bankının proqnozunun tərtib edilməsindən sonra əhalinin sosial vəziyyəti daha da pisləşib. Bu barədə ticarətçilər öz təəssüratları ilə bölüşürlər. “Alver getmir, adamlar ancaq zəruri şeyləri, həm də az miqdarda alır. Böhrandır”, - quru meyvə satan Məmməd məyusluqla bildirib.—0—
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz