Bakı/06.11.19/Turan: Hüquq müdafiəçisi Oqtay Gülalıyev müalicəsinin davam etdirilməsi üçün xüsusi aviareyslə İstanbula göndərilib. Bu barədə Turan-a onun həyat yoldaşı Firuzə Gülalıyeva bildirib.
Onun sözlərinə görə, O.Gülalıyev İstanbuldakı "Avrasiya" klinikasına yerləşdirilir.
Gülalıyevin müalicə xərclərini Heydər Əliyev Fondunun sədri, ölkənin birinci vitse-prezidenti Mehriban Əliyevanın tapşırığı ilə fond öz üzərinə götürüb.
Dünən Fondun dəvət etdiyi türk həkimlər beyinə qansızma keçirmiş xəstələrin müalicəsi üçün daha yaxşı şərait olduğu üçün xəstənin Türkiyəyə aparılmasını zəruri hesab ediblər.
Gülalıyev oktyabrın 29-da avtomobil vurduqdan sonra kəllə-beyin travması alıb.
Başının asfalta dəyməsi nəticəsində onun beyninə qan sızıb. Oktyabrın 30-da neyrocərrahi əməliyyat olunub. Amma o, hələ də komadadır. -05D06-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz